عمران خان کا ملک بھر سے آزادی مارچ کیلئے راولپنڈی آنے والے عوام سے اظہارِ تشکر

لاہور: چیئرمین پی ٹی آئی و سابق وزیر اعظم عمران خان نے ملک بھر سے آزادی مارچ کیلئے راولپنڈی آنے والے عوام سے تشکر کا اظہار کیا ہے۔

سماجی رابطے کی ویب سائٹ ٹوئٹر پر اپنے پیغام میں چیئرمین پی ٹی آئی عمران خان نے کہا کہ میں کل آزادی مارچ کیلئے ملک بھر سے اتنی زیادہ تعداد میں راولپنڈی آنے والے عوام کا شکریہ ادا کرنا چاہتا ہوں۔

یہ بھی پڑھیں:

عمران خان  کا تمام اسمبلیوں سے استعفوں کا اعلان

ٹوئٹر پیغام میں سابق وزیر اعظم عمران خان نے کہا کہ ہماری تحریک اس وقت تک جاری رہے گی جب تک کہ ہم قانون کی حکمرانی اور حقیقی آزادی نہ حاصل کر لیں۔

I want to thank all the people who came in such huge numbers from across Pakistan to our Rawalpindi Azadi March yeaterday. Our Tehreek will continue until we establish rule of law and real freedom. pic.twitter.com/kTDBTVCwN2

— Imran Khan (@ImranKhanPTI) November 27, 2022

خیال رہے کہ اس سے قبل پی ٹی آئی چیئرمین عمران خان  نے کہا  کہ معاشی حالات پہلے ہی بُرے ہیں۔ توڑ پھوڑشروع ہو گئی تو حالات مزید خراب ہوجائیں گے، ملک میں کسی قسم کا انتشار پیدا نہیں کرنا چاہتے۔

راولپنڈی میں گزشتہ روز جلسے سے خطاب کرتے ہوئےعمران خان نے کہا کہ ہم اس کرپٹ سسٹم کا حصہ نہیں بنیں گے۔ تمام اسمبلیوں سے استعفوں کا اعلان کرتے ہیں۔ وزرائے اعلیٰ سے بات کی ہے، پارلیمانی پارٹی سے مشاورت کے بعد تاریخ کا اعلان کرونگا۔