گوگل نیوز پر ہمیں فالو کریںسابق وزیرِ اعظم میاں نواز شریف کی صاحبزادی مریم نواز نے وزیرِ اعظم عمران خان پر تنقید کرتے ہوئے کہا ہے کہ کرپشن کے جھوٹے نعرے لگانے والا خود کرپشن کا بادشاہ نکلا ہے۔
تفصیلات کے مطابق گزشتہ روز دئیے گئے وزیرِ اعظم عمران خان کے بیان پر ردِ عمل دیتے ہوئے ن لیگ کی نائب صدر مریم نواز نے کہا کہ بدعنوانی کے جھوٹے نعرے لگانے والوں نے خود کرپشن کے ریکارڈ توڑ دئیے۔
ن لیگ کی نائب صدر مریم نواز نے کہا کہ کرپشن کی نشاندہی کرنے والے عالمی ادارے ٹرانسپرنسی انٹرنیشنل نے گواہی دی کہ پاکستان میں کرپشن میں موجودہ حکومت کے دور میں اضافہ ہوا ہے۔سچ ہی کہا تھا کہ اگر وزیرِ اعظم بدعنوان ہو تو ہر طرف کرپشن ہوتی ہے۔
یاد رہے کہ اِس سے قبل پاکستان مسلم لیگ ن کی مرکزی نائب صدر و پی ڈی ایم رہنماء مریم نواز نے کہا کہ لانگ مارچ پر اتفاق رائے ہے، حکومت اپنی حرکتوں کی وجہ سے 5 سال پورے نہیں کرے گی۔
لاہور میں کھوکھر برادران سے ملاقات کے بعد 3 روز قبل میڈیا سے گفتگو کرتے ہوئے مریم نواز نے کہا کہ جسٹس (ر) عظمت سعید کو کون نہیں جانتا، جسٹس (ر) عظمت سعید نے ذاتی طور پر ملوث ہو کر جے آئی ٹی بنوائی، جے آئی ٹی کے بانیوں میں جسٹس (ر) عظمت سعید کا نام ہے۔
مزید پڑھیں: پی ڈی ایم متحد ہے، حکومت سے کوئی مذاکرات نہیں ہونگے، مریم نواز
