گوگل نیوز پر ہمیں فالو کریںلاہور: مسلم لیگ (ن) کی مرکزی نائب صدر مریم نواز نے کہا ہے کہ بیٹے جنید صفدر کا نکاح 22 اگست کو عائشہ سیف خان سے لندن میں ہوگا۔
تفصیلات کے مطابق مسلم لیگ ن کی مرکزی نائب صدر مریم نواز نے سماجی رابطے کی ویب سائٹ ٹویٹر پر اپنے پیغام میں کہا کہ “بدقسمتی سے انتقامی کارروائیوں، جھوٹے مقدمات کی وجہ سے اپنے بیٹے کے نکاح میں شرکت نہیں کرسکوں گی۔”
I was in jail when my beloved mother passed away and now I won’t be able to share my son’s happiness, but, I will NOT make any request to this government for travel abroad. I leave the matter to Almighty Allah. https://t.co/hNXBSpa7yB
— Maryam Nawaz Sharif (@MaryamNSharif) August 11, 2021
مریم نواز نے اپنے ٹوئٹر پیغام میں لکھا کہ “میں جیل میں تھی جب میری والدہ کا انتقال ہوا تھا، اب میں اپنے بیٹے کی خوشی میں شریک نہیں ہوسکوں گی۔”
انہوں نے مزید لکھا کہ “حکومت سے باہر جانے کی اجازت کے لیے درخواست نہیں کروں گی، اپنا معاملہ اللہ پر چھوڑتی ہوں۔” مریم نواز نے ٹوئٹر پیغام کے ساتھ بیٹے کی شادی کا کارڈ بھی شیئر کیا ہے۔
واضح رہے کہ مسلم لیگ (ن) کی مرکزی نائب صدر مریم نواز کے بیٹے جنید صفدر کی شادی سیف الرحمان کی بیٹی عائشہ سیف سے طے ہوئی ہے۔
فیملی نے شادی کے دعوت نامے عزیز و اقارب کو بھیجنا شروع کردیے ہیں اور یہ شادی دو ہفتوں کے بعد لندن میں ہوگی۔
یہ بھی پڑھیں : پی ڈی ایم اے نے 15 سے 17 اگست تک سندھ بارشوں کا الرٹ جاری کردیا
