حکومت افغان مہاجرین کو پاکستان آمد کی اجازت دے۔فاطمہ بھٹو

Pakistan must allow refugees in. We cannot turn a blind eye to the crisis unfolding and must give entry and aid https://t.co/PtBkz2MWua

— fatima bhutto (@fbhutto) August 13, 2021

افغان دارالحکومت کابل میں پیدا ہونے والی فاطمہ بھٹو کا کہنا ہے کہ پاکستان پناہ گزینوں کا ہمدرد ملک ہے جسے اپنے قیام کے بنیادی نظریات سے صرفِ نظر نہیں کرنا چاہئے جبکہ ہم پناہ گزینوں کے ملک میں پیدا ہوئے تھے۔

معروف کالم نگار فاطمہ بھٹو نے مزید کہا کہ ہمیں یہ نہیں بھولنا چاہئے کہ لوگ کچھ اس قسم کے بیانات دے رہے ہیں کہ افغانی پاکستانیوں کو پسند نہیں کرتے جبکہ اس بات میں کوئی صداقت نہیں، ہمسایہ ملک میں ہنگامی ضروریات کا مسئلہ درپیش ہے۔

کالم نگار و مصنفہ فاطمہ بھٹو نے مزید کہا کہ ہماری یہ اخلاقی ذمہ داری بنتی ہے کہ ہم افغان مہاجرین کو پناہ گاہ اور دیکھ بھال کی سہولیات مہیا کریں۔انہوں نے افغانستان میں جاری طالبان کے حملوں اور خانہ جنگی پر مبنی صورتحال پر تشویش کا اظہار کیا۔

انہوں نے کہا کہ افغانستان کی صورتحال پر میں تشویشناک حد تک غمزدہ ہوں۔ ہماری اخلاقی ذمہ داری ہے کہ افغان بھائی بہنوں کی ہر ممکن مدد کریں۔ ہمارے ملک میں رہنے والے محنت کش افغان جہاں رہتے ہیں وہ علاقہ ترقی کرتا ہے۔ریاست سے ذاتی طور پر سرحدیں کھولنے کی اپیل کرتی ہوں۔

یہ بھی پڑھیں: پرچم کشائی کی مرکزی تقریب، صدرِ مملکت کا ولولہ انگیز خطاب