گوگل نیوز پر ہمیں فالو کریںگھوٹکی:سندھ اسمبلی میں اپوزیشن لیڈر حلیم عادل شیخ نے کہا ہے کہ سندھ میں 13 سالوں سے تعلیم مکمل طور پر تباہ ہے سندھ حکومت نے 35 سو والی ڈیسک 29 ہزار میں فراہم کی ہے نیشنل پریس کلب اوباڑو میں پریس کانفرنس کرتے ہوئے کیا۔
انہوں نے کہا کہ 3سال سے میں اپنے ناکردہ گناہ میں یہاں عدالتوں کے چکر لگارہا ہوں،کاش سندھ کی پولیس کوئی ڈیوٹی کررہی ہوتی مجھ پر کار سرکار میں مداخلت کا کیس بنایا گیا ہے جبکہ ضلع گھوٹکی کراچی کے بعد سب سے زیادہ ٹیکس دینے والا ضلع ہے۔
اربوں کی رائلٹی سالوں میں آئی ہے مگر رائلٹی کو خرچ کرنے کے لیے ایک کمیٹی بنی ہے،رائلٹی کے پیسے مجھے اس شہر پر لگتے ہوئے نظر نہیں آرہے بلکہ ایم این ایز ایم پی اے کے بنگلوں پر لگ رہے ہیں، ضلع گھوٹکی آج کھنڈر کا نمونا پیش کررہا ہے سی پیک روڈ بن گئی۔
لیکن افسوس کی بات ہے سی پیک سے شہر آنے والی لنک سٹرکیں نہیں بنیں، یہاں کی ایڈمنسٹریشن ناکام ہوچکی ہے،سندھ حکومت لکڑ ہضم پتھر ہضم کی مثال ہے، بڑے بڑے ادارے جو یہاں موجود ہیں ان میں نوکریاں وڈیروں کو دی جارہی ہیں، اوباڑو سمیت ضلع گھوٹکی کی عوام کے لیے آواز اٹھاتے رہیں گے۔
پی ٹی آئی سے نظریات والے نوجوان اوباڑو میں موجود ہیں، پی ایس 18 کی اس سیٹ سے ہم بھرپور تیاری کررہے ہیں،بلدیاتی اور جنرل الیکشن میں ضلع گھوٹکی سوئیپ کریں گے،پیپلزپارٹی نے سندھ کی تعلیم کا معیار ختم کردیا ہے۔
سارے زیر تعلیم وزیر تعلیم بن گئے ہیں،پچھلے 13 سالوں میں تعلیم مکمل تباہ ہے،اسکولوں میں سہولیات موجود نہیں،سندھ حکومت نے 35 سو والی ڈیسک 29 ہزار میں دیتے ہیں،29 ہزار سے غریب کی بیٹی کا آدھا جہیز آجاتا ہے،آئی بی اے کے اندر کافی معاملات خراب ہوچکے ہیں۔
سندھ کو تحریک انصاف ہی ٹھیک کرے گی کووڈ کے باعث دنیا بھر میں معاشی حالات خراب ہوئے۔ کوروناایک قدرتی آفت ہے،پورے خطے میں آج بھی سب سے کم پیٹرول کا ریٹ پاکستان کا ہے،آج کسان کی حالت بہتر ہورہی ہے ملک کی معیشت بہتر ہورہی ہے۔
مزید پڑھیں: منی لانڈرنگ کیس کی سماعت، شہباز شریف اور حمزہ عدالت میں پیش ہو گئے
