گوگل نیوز پر ہمیں فالو کریںکراچی: پاکستان تحریکِ انصاف اور پیپلز پارٹی کی صوبائی حکومت سندھ ہائی کورٹ میں آمنے سامنے آ گئے، عدالت میں حکومتِ سندھ کے صوبائی وزیر سعید غنی نے پٹیشن دائر کر دی جس پر طنز کرتے ہوئے وزیرِ مملکت برائے بحری امور علی زیدی نے کہا کہ معاملہ کافی سنجیدہ لگتا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ بحری امور علی حیدر زیدی نے کہا کہ وزیرِ تعلیم و محنت سندھ سعید غنی کافی حساس ہیں اور ایسا لگتا ہے کہ میں نے ان کے جذبات کو ٹھیس پہنچائی۔
پیغام میں وزیرِ بحری امور علی زیدی نے کہا کہ سعید غنی نے مجھے عدالت کی طرف سے ایک تنبیہی حکم نامہ بھجوایا ہے جبکہ میں نے صرف پولیس رپورٹ پڑھ کر سنائی تھی۔
وفاقی وزیر علی زیدی نے کہا کہ کسی بھی سیاسی تنازعے کا خطرناک نتیجہ برآمد ہوسکتا ہے، کیا کسی کو معلوم ہے کہ پیپلز پارٹی وزیرِ اعظم عمران خان کے خلاف کسی زبان استعمال کرتی ہے؟ کیا ہم ایک دوسرے کو تنبیہی حکم نامے بھیجنا شروع کردیں؟ علی زیدی نے بے بی غنی کا ہیش ٹیگ بھی تحریر کیا۔
Aww! So sensitive?
Looks like I hurt his feelings. Saeed Ghani serves me a gag order for reading out of a police report!
Dangerous precedent for political discourse. Has anyone noticed the kind of language they use against the PM?
Should we start serving gag orders? #BabyGhani pic.twitter.com/GsaTLZ4Ijg— Ali Haider Zaidi (@AliHZaidiPTI) August 10, 2020
یہ بھی پڑھیں: تبدیلی کا یقین کیا جاسکتا ہے۔علی زیدی
