عامر لیاقت حسین کی حالت تشویشناک، ایمرجنسی وارڈ میں داخل

کراچی: رکن قومی اسمبلی اور ٹی وی میزبان عامر لیاقت حسین طبیعت ناسازی کی وجہ سے اسپتال کے ایمرجنسی وارڈ میں داخل ہوگئے۔

تفصیلات کے مطابق عامر لیاقت نے اپنی طبیعت خرابی کی اطلاع خود اپنے ٹوئٹر اکاؤنٹ پر دی، انہوں نے اپنے تصدیق شدہ ٹوئٹر اکاؤنٹ پر اپنی کچھ تصاویر شیئر کیں۔

رکن قومی اسمبلی ڈاکٹر عامر لیاقت حسین کو دل کی تکلیف، ایمرجنسی لے جایا گیا، وزیراعظم کا اظہار تشویش، ڈاکٹرز کو توجہ دینے کی ہدایت، کل ویراعظم سے ملنے ضرور جاؤں گا ، عامر لیاقت کا ساتھ موجود اراکین سے مکالمہ@ImranKhanPTI @AliHZaidiPTI @Asad_Umar pic.twitter.com/Adzmi4GoiG

— Aamir Liaquat Husain (@AamirLiaquat) April 1, 2022

مذکورہ تصاویر میں دیکھا جاسکتا ہے کہ عامر لیاقت حسین اسپتال میں موجود ہیں اور اُن کو ڈرپ لگی ہوئی ہے۔

انہوں نے اپنی ٹوئٹ میں بتایا کہ ’اُنہیں دل کی تکلیف ہوئی جس کے بعد اُنہیں ایمرجنسی میں اسپتال لے جایا گیا۔‘

یہ بھی پڑھیں:خوش ہیں عمران خان سے جان چھوٹ رہی ہے، حنا پرویز

مزید برآں عامر لیاقت حسین کی طبیعت ناسازی کی خبر سن کر وزیراعظم عمران خان نے تشویش کا اظہار کیا اور ڈاکٹرز کو اُن پر توجہ دینے کی ہدایت کی۔

دوسری جانب عامر لیاقت حسین کا اسپتال میں موجود اراکین سے مکالمہ کرتے ہوئے کہنا تھا کہ وہ وزیراعظم عمران خان سے ملنے ضرور جائیں گے۔