گوگل نیوز پر ہمیں فالو کریںپاکستان پیپلز پارٹی کی سینئر رہنما اور سینیٹر شیری رحمان نے کہا ہے کہ میں امریکا چین تعلقات میں گزشتہ 5 دہائیوں کے دوران بڑی تبدیلیاں رونما ہوتی ہوئی دیکھ رہی ہوں۔
سماجی رابطے کی ویب سائٹ ٹوئٹر پر اپنے پیغام میں سینیٹر شیری رحمان نے کہا کہ چین اور امریکا کے درمیان تجارتی لین دین جاری ہے لیکن دونوں ممالک کے تعلقات میں کل پیدا ہونے والی تبدیلی کے بعد محسوس ایسا ہوتا ہے کہ امریکا کے انتخابات میں چین کا کردار اہم ہوگا۔
سینیٹر شیری رحمن نے کہا کہ میڈیا کے مطابق دنیا کی دو بڑی طاقتوں کے درمیان گزشتہ 5 دہائیوں میں ٹرمپ کی قیادت میں بڑی بڑی تبدیلیاں رونما ہوں گی۔
The China- US trade deal is still on course, but after yesterday it seems China will be big in the US election. As @FP says, “ the most consequential changes to the relationship between the world’s two foremost powers in 5 decades are taking place under Trump’s leadership”.
— SenatorSherryRehman (@sherryrehman) July 16, 2020
یاد رہے کہ اس سے قبل امریکی صدر ڈونلڈ ٹرمپ نے ہانگ کانگ کی خود مختاری سے متعلق تنازعے میں چین کے خلاف پابندیوں کی منظوری کے قانون پر دستخط کر دئیے۔
غیرملکی خبررساں ادارے کے مطابق ٹرمپ نےگزشتہ روز واشنگٹن میں صحافیوں کو بتایا کہ اس اقدام کے بعد چین کو خصوصی انتظامی علاقے ہانگ کانگ میں عوام کے خلاف جابرانہ اقدامات کے لیے جواب دہ ہونا پڑے گا۔
مزید پڑھیں: ڈونلڈٹرمپ نے چین پر پابندیوں کے قانون پر دستخط کر دئیے
