گوگل نیوز پر ہمیں فالو کریںاسلام آباد: پاکستان پیپلز پارٹی کی سینئر رہنما و سینیٹر شیری رحمان نے کیپٹل ڈویلپمنٹ اتھارٹی (سی ڈی اے) سے مطالبہ کیا ہے کہ مندر کو بھی دیگر مذاہب کی عبادت گاہوں کی طرح مساوی حقوق دئیے جائیں۔
سماجی رابطے کی ویب سائٹ ٹوئٹر پر ایک سوشل میڈیا صارف فہد ہمایوں کے پیغام پر ردِ عمل دیتے ہوئے سینیٹر شیری رحمان نے کہا کہ سی ڈی اے کو مندر کو بلاک کرنے کے اقدام پر غور کرکے اپنے فیصلے پر نظرِ ثانی کرنی چاہئے اور مندر کو بھی اسلام آباد میں تعمیر کیلئے وہی حقوق دینے چاہئیں جو ہر مذہب کو حاصل ہیں۔
اپنے پیغام میں سینیٹر شیری رحمان نے کہا کہ پاکستان مندر کی تعمیر سے نظر چرا کر آگے نہیں بڑھ سکتا، اگر ہم دیگر ممالک میں اقلیتوں کے حقوق کے تحفظ کے علمبردار بنتے ہیں تو ہمیں یکساں شہریت کے حقوق کے حوالے سے خود پاکستان میں بھی اپنے معیارات پر نظر رکھنا ہوگی۔
CDA should review its decision and give the temple????the same rights to be built in Islamabad as anyone else.Pakistan cannot just walk away from this.If we preach protection of #religiousminorities in other countries we need to look into r own standards of equal citizenship ???????? https://t.co/Z7UJsf8E8n
— SenatorSherryRehman (@sherryrehman) July 6, 2020
یہ بھی پڑھیں: قائدِ اعظم کے پاکستان کا گلا گھونٹنے نہیں دیں گے۔شیری رحمان
