گوگل نیوز پر ہمیں فالو کریںچیئرمین پاکستان تحریکِ انصاف عمران خان نے کہا ہے کہ اعظم سواتی کو دوبارہ گرفتار کیا گیا ہے، اِس ریاستی فاشزم کے خلاف سب کو آواز بلند کرنا ہوگی۔
سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ بنانا ری پبلک ہی نہیں بلکہ ہم جس تیزی سے ایک فسطائی ریاست بن رہے ہیں، اس پر مجھے نہایت حیرت اور تکلیف ہے۔
عمران خان کا مارچ کیلئے راولپنڈی آنیوالوں سے اظہارِ تشکر
سینیٹر اعظم سواتی کی گرفتاری پر افسوس کا اظہار کرتے ہوئے عمران خان نے کہا کہ کوئی کیسے اس کرب اور تکلیف کے احساس سے عاری رہ سکتا ہے جس سے سینیٹر اعظم سواتی گزرے۔
سربراہ تحریکِ انصاف عمران خان نے کہا کہ اعظم سواتی پر زیرِ حراست تشدد ہوا اور پھر بلیک میلنگ کی غرض سے ان کے اہلِ خانہ کو ویڈیو بھجوائی گئی۔ ناانصافی پر ان کا غصہ اور مایوسی قابلِ جواز تھی۔
ناانصافی پر انکےقابلِ جواز غصے اور مایوسی کو ہوا اس وقت ملی جب سینیٹرز کیجانب سےگزشتہ دو ہفتوں سے اپنی حمایت میں کی جانےوالی استدعاؤں کے باوجود سپریم کورٹ کے دروازے ان پر بند رہے۔چنانچہ انہوں نے ٹویٹ کیا اور پھر سے دَھر لئے گئے۔ریاست کی اس فسطائیت کیخلاف ہر فرد آواز بلند کرے!
— Imran Khan (@ImranKhanPTI) November 27, 2022
سابق وزیر اعظم عمران خان نے کہا کہ سینیٹر اعظم سواتی کے غصے کو ہوا اس وقت ملی جب دیگر سینیٹرز کی جانب سے گزشتہ 2 ہفتوں کی درخواستوں کے باوجود سپریم کورٹ کے دروازے اعظم سواتی پر بند رہے۔
انہوں نے کہا کہ اعظم سواتی نے ٹویٹ کیا اور انہیں پھر سے گرفتار کر لیا گیا۔ ریاست کی اِس فسطائیت پر ہر فرد آواز بلند کرے۔
اس حوالے سے سابق وفاقی وزیرِ مواصلات مراد سعید نے کہا کہ تم 75سال کے شخص پر پوتے پوتیوں کے سامنے تشدد کرو، اس کو بے لباس کرو۔ اس کے گھر کی حرمت پامال کرو، مگر الامان الحفیظ اگر وہ تم پر سوال اٹھا لے؟ کون ہو تم خدائی کے دعویدارو؟
تم ۷۵ سال کےشخص پر پوتے پوتیوں کےسامنے تشدد کرو۔اس کو ننگا کرو۔اس کےگھر کی حرمت پامال کرو۔ مگر الامان الحفیظ اگر وہ تم پر سوال اٹھا لے؟کون ہو تم خدائی کے دعویداروں؟
— Murad Saeed (@MuradSaeedPTI) November 27, 2022
