گوگل نیوز پر ہمیں فالو کریںاسلام آباد: چیئرمین پی ٹی آئی و سابق وزیر اعظم عمران خان نے آج ہونے والے ضمنی انتخابات کو ریفرنڈم قرار دیتے ہوئے عوام سے پولنگ کیلئے گھروں سے نکلنے کی اپیل کی ہے۔
سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ ہر ایک کو آج ہونے والے ضمنی انتخاب کیلئے جن جن حلقوں میں انتخابات ہورہے ہیں، باہر نکلنا ہے۔
Everyone must turnout to vote in all the constituencies where bye elections are being held today. This is a referendum for Haqiqi Azadi from the cabal of crooks. We are contesting against all of PDM, the Election Commission and "namaloom afraad".
— Imran Khan (@ImranKhanPTI) October 16, 2022
ٹوئٹر پیغام میں چیئرمین پی ٹی آئی عمران خان نے کہا کہ آج کا ضمنی انتخاب چوروں کے ٹولے سے نجات کیلئے حقیقی آزادی کا ریفرنڈم ہے۔ ہم پی ڈی ایم، الیکشن کمیشن اور نامعلوم افراد سے مقابلہ کر رہے ہیں۔
یاد رہے کہ اس سے قبل قومی و صوبائی اسمبلیوں کے مختلف حلقوں میں ضمنی انتخابات کیلئے پولنگ کا آغاز کردیا گیا جو بلا تعطل شام تک جاری رہے گی۔ عمران خان قومی اسمبلی کے 7 حلقوں سے امیدوار ہیں۔
چیئرمین پی ٹی آئی عمران خان سمیت دیگر امیدواروں میں قومی اسمبلی کے ضمنی انتخاب کیلئے کانٹے کا مقابلہ متوقع ہے۔ آج قومی اسمبلی کے 8 جبکہ پنجاب اسمبلی کے 3 حلقوں میں ضمنی انتخاب کا میدان سج گیا۔
چیئرمین پی ٹی آئی عمران خان قومی اسمبلی کے 7 حلقوں سے رکنِ اسمبلی کی نشست کیلئے انتخاب لڑ رہے ہیں۔ ملتان میں مہربانو قریشی اور علی موسیٰ گیلانی میں کانٹے کا مقابلہ متوقع ہے۔
