مجھے قتل کے پھندے میں کیسے پھنسایا گیا، بے نقاب کروں گا۔عمران خان

اسلام آباد: سابق وزیر اعظم عمران خان نے حقائق عوام کے سامنے رکھنے کا اعلان کرتے ہوئے کہا ہے کہ جوڈیشل کمپلیکس میں مجھے قتل کے پھندے میں کیسے پھنسایا گیا، بے نقاب کروں گا۔

سماجی رابطے کی ویب سائٹ ٹوئٹر پر اپنے پیغام میں چیئرمین پی ٹی آئی عمران خان نے کہا کہ کوئی قوت اس نظرئیے اور خیال کو بیڑیاں نہیں پہنا سکتی جس کا وقت اب آن پہنچا ہے۔

یہ بھی پڑھیں:

سابق چیف جسٹس میاں ثاقب نثار کی ایک اور مبینہ آڈیو لیک

کوئی قوت اس نظریہ و خیال کو بیڑیاں نہیں پہنا سکتی جس کا وقت (اب) آن پہنچا ہے! pic.twitter.com/dHmrSBJ4Ju

— Imran Khan (@ImranKhanPTI) March 20, 2023

پی ٹی آئی چیئرمین عمران خان نے کہا کہ میں جلد ہی بے نقاب کروں گا کہ جوڈیشل کمپلیکس میں قتل کے ایک پھندے میں کیسے مجھے پھنسایا گیا اور کیسے اللہ ربّ العزت نے یک لخت مجھے اس سے بچایا۔ 

میں جلد ہی بےنقاب کروں گا کہ جوڈیشل کمپلیکس میں قتل کےایک پھندے میں کیسے مجھے پھنسایا گیا اور کیسےرب العزت نے یک لخت مجھے اس سے بچایا۔

— Imran Khan (@ImranKhanPTI) March 20, 2023

ایک ویڈیو شیئر کرتے ہوئے سابق وزیر اعظم عمران خان نے اپنے ایک اور ٹوئٹر پیغام میں کہا کہ ایجنسی کا یہ آدمی ہمارے کارکنان کو تشدد پر اُکسانے کی کوشش کررہا ہے اور بے نقاب کیا جارہا ہے۔

ٹوئٹر پیغام میں عمران خان نے کہا کہ میری اپنی تحریک کو ہدایت ہے کہ کتنی ہی اشتعال انگیزی کیوں نہ کی جائے، ہم نے مکمل طور پر پر امن رہتے ہوئے آئین کی حدود کے اندر احتجاج کرنا ہے۔

پیغام میں عمران خان نے حکومت پر تنقید کرتے ہوئے کہا کہ اگر ہم نے آئین کی حدود کے اندر پر امن رہتے ہوئے احتجاج نہ کیا تو ہم ان فسطائیوں کو مزید وحشت کا جواز فراہم کریں گے۔ 

https://twitter.com/ImranKhanPTI/status/1637751955526172672