گوگل نیوز پر ہمیں فالو کریںکراچی:پی ڈی ایم کے سربراہ اور جے یوآئی کے مرکزی امیر مولانا فضل الرحمان ان دنوں کراچی کے دورے پر ہیں،جوکل شام 6 بجے جامعہ مصباح العلوم محمودیہ منظور کالونی کراچی میں جے یوآئی کراچی کے اضلاع کے ورکرز کنونشن سے خطاب کریں گے۔
جمعیت علماء اسلام کے صوبائی ڈپٹی سیکریٹری اطلاعات سمیع الحق سواتی کے مطابق 29 جولائی کو کراچی میں پی ڈی ایم کے جلسہ عام کی تیاریوں کے سلسلے میں کراچی کے تمام اضلاع ان کی پی ایسز اور بنیادی یونٹس کے مجالس عاملہ کے اراکین سے مولانا فضل الرحمان خصوصی خطاب کریں گے۔
کنونشن سے جے یوآئی کے صوبائی سیکریٹری جنرل علامہ راشد محمود سومرو، مرکزی ترجمان محمد اسلم غوری سمیت دیگر مرکزی صوبائی قائدین بھی خطاب کریں گے۔
جمعیت علماء اسلام کے صوبائی ڈپٹی سیکریٹری اطلاعات سمیع الحق سواتی نے جے یوآئی ذمہ داران سے اپیل کی ہے کہ وہ وقت کی پابندی کیساتھ کنونشن میں شرکت کریں۔
مزید پڑھیں: عمران خان کوپاکستان کے اثاثوں کو گروی رکھنے کی اجازت کس نے دی ؟،مریم نواز
