گوگل نیوز پر ہمیں فالو کریںگوجرانوالہ: اپوزیشن اتحاد (پی ڈی ایم) نے حکومت کے خلاف پہلے جلسے کا پنڈال سجا لیا، اس سلسلے میں متحدہ اپوزیشن پی ڈی ایم کا آج گوجرانوالہ کے جناح اسٹیڈیم میں پہلا جلسہ ہوگا،رہنما (ن) لیگ مریم نواز قافلے کی شکل میں جاتی امرا سے گوجرانوالہ کے لیے روانہ ہوچکی ہیں جب کہ مختلف شہروں سے آنے والے لیگی کارکن بھی ان کے ہمراہ ہیں، راستے میں ممکنہ رکاوٹیں ہٹانے کے لیے 2 کرینیں بھی قافلے کا حصہ ہیں۔
مریم نواز کا جلسے میں روانگی سے قبل اپنے خطاب میں کہنا تھا کہ اللہ کا نام لے کر عوام کے لیے جدوجہد کرنے میدان میں نکلے ہیں، آج جمعہ کے مبارک دن پر 22 کروڑ عوام کے حقوق کے لئے نکلے ہیں، انہوں نے کہا کہ میں سب کو دعوت دیتی ہوں کہ وہ باہر نکلیں اور اس ریلی میں شریک ہوں تاہم سرکاری و انتظامی ادارے اس قافلے کے راستے میں نہ آئیں۔
I left at 2 pm and I haven’t still been able to cross Shahdra Lahore. There is an ocean of people front, back, right & left. This is unprecedented. Allahu Akbar ????????
— Maryam Nawaz Sharif (@MaryamNSharif) October 16, 2020
دوسری جانب جمعیت علمائے اسلام (ف) کے سربراہ مولانا فضل الرحمان بھی جلسہ گاہ پہنچنے والے ہیں، انہوں نے روانگی سے قبل اپنے خطاب میں کہا کہ آج حکومت کے خلاف تحریک کا آغاز ہوگا، پاکستان میں اس وقت جعلی حکومت مسلط ہے جب کہ حکومتی نااہلی کی وجہ سے عوام پریشان ہیں۔
چیئرمین پاکستان پیپلزپارٹی بلاول بھٹو زرداری کی قیادت میں پیپلزپارٹی کی جی ٹی روڈ پر ریلی کی تیاریاں بھی مکمل ہیں، لالہ موسیٰ میں پریس کانفرنس کے دوران بلاول نے کہا کہ پی ڈی ایم کی تحریک کا باقاعدہ آغاز ہورہا ہے، پیپلز پارٹی کے قافلے کی قیادت میں خود کررہا ہوں۔
I embark on this mission as your foot soldier @NawazSharifMNS I have dedicated myself to your struggle, your mission for Pakistan and it’s people. May Allah be with us and may we return triumphant and victorious Insha’Allah. Pakistan Zindabad ????????
— Maryam Nawaz Sharif (@MaryamNSharif) October 16, 2020
