گوگل نیوز پر ہمیں فالو کریںاسلام آباد: پاکستان تحریکِ انصاف کی وفاقی حکومت نے کہا ہے کہ شرحِ سود میں کمی وزیرِ اعظم عمران خان کے معاشی استحکام کے عزم کا اظہار ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا کہ شرحِ سود میں کمی وزیرِ اعظم کے ملک میں معاشی سرگرمیوں کو متحرک رکھنے کے عزم کا واضح اظہار ہے۔
پیغام میں معاونِ خصوصی فردوس عاشق اعوان نے کہا کہ شرحِ سود میں 2 فیصد کمی لائی گئی ہے جو تجارتی اعتماد میں اضافے کا باعث بنے گی اور معیشت کی مضبوطی و استحکام میں ممد و معاون ثابت ہوگی۔
معاونِ خصوصی برائے اطلاعات و نشریات نے کہا کہ کورونا وائرس کے باعث ملک بھر میں لاک ڈاؤن کے دوران معیشت کا پہیہ چلانا اور مزدور کا چولہا جلانا ہی وزیرِ اعظم عمران خان اور وفاقی حکومت کا مشن ہے۔
شرح سود میں کمی وزیراعظم عمران خان کے ملک میں معاشی سرگرمیوں کو متحرک رکھنے کےعزم کا واضح اظہار ہے۔شرح سود میں دو فیصد کمی تجارتی اعتماد میں اضافہ اور معیشت کی مضبوطی میں ممدو معاون ثابت ہو گی۔"معیشت کا پہیہ چلانا اور مزدور کا چولہا جلانا ہی ہمارا مشن ہے۔"#PMIK
— Dr. Firdous Ashiq Awan (@Dr_FirdousAwan) April 17, 2020
