گوگل نیوز پر ہمیں فالو کریںلاہور: پاکستان تحریکِ انصاف کے رہنماؤں اسد عمر، شہباز گل اور بابر اعوان سمیت دیگر نے زمان پارک میں آپریشن کو توہینِ عدالت قرار دیتے ہوئے اس پر شدید ردِ عمل کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں سابق وزیرِ منصوبہ بندی اسد عمر نے کہا کہ عدالت کے واضح احکامات کے خلاف زمان پارک میں آپریشن جاری ہے۔ گھر پر صرف ایک نہتی گھریلو خاتون موجود ہے۔ نہ قانون نہ کوئی اخلاق بچا ہے۔
زمان پارک میں آپریشن، پولیس عمران خان کے گھر میں داخل
واضح کورٹ احکامات کے خلاف زمان پارک آپریشن جاری ہے۔ گھر پر صرف ایک نہتی گھریلو خاتون موجود۔ نا قانون بچا ہے نا کوئ اخلاق
— Asad Umar (@Asad_Umar) March 18, 2023
تحریکِ انصاف کی سابق رکنِ قومی اسمبلی اور خواتین ونگ کی سربراہ کنول شوذب نے کہا کہ عوام سوچ لے۔ محبِ وطن رہنما عمران خان کی گرفتاری کے بعد لکیر پیٹنی ہے یا اپنے لیڈر کو بچانا ہے۔ فیصلہ عوام کا ہے۔ میرے عزیز ہم وطنو! سوچ لو۔
https://twitter.com/KanwalMna/status/1637004529269985282
عمران خان کے دورِ حکومت میں وزیر اعظم کے سابق معاونِ خصوصی ڈاکٹر شہباز گِل نے کہا کہ ہم سنا کرتے تھے کہ سیاست اور دشمنی میں گھریلو عورتوں اور بچوں کو نہیں لایا جاتا لیکن آج دیکھا ایسا کچھ نہیں۔ ہر اخلاقی حد پار کردی گئی۔
ہم سنا کرتے تھے سیاست اور دشمنی میں گھریلو عورتوں اور بچوں کو نہیں لایا جاتا۔ لیکن آج دیکھا ایسا کچھ نہیں۔ ہر اخلاقی حد کو پار کر لیا گیا۔ ہر حد کو توڑ دیا گیا۔
دوسری طرف چند کلوُمیٹر دور ہائیکورٹ کی عدالت نے جس کا فیصلہ تھا کہ زمان پارک پر آپریشن نہیں ہو گا۔
سب چپ ہیں
— Dr. Shahbaz GiLL (@SHABAZGIL) March 18, 2023
معروف وکیل بابر اعوان نے کہا کہ بے شرم، بے رحم ظالموں نے زمان پارک پر حملہ کردیا ہے۔ صرف بشریٰ عمران صاحبہ اور اہلِ خانہ اندر ہیں۔ چادر اور چار دیواری کی اس بے حرمتی کا حساب ضرور لیا جائے گا۔ چوروں کا نظام عمران خان کو نہیں ہرا سکتا۔
بے شرم، بے رحم ظالموں نے زمان پارک پر حملہ کردیا ہے، صرف بشریٰ عمران صاحبہ اور فیملی ممبرز اندر ہیں۔ چادر اور چار دیواری کی اِس بے حرمتی کا حساب ضرور لیا جائے گا۔
یہ بے شرم ظالم ملک توڑنا چاہتے ہیں۔ چوروں کا نظام ریاست کے تمام تر وسائل لگا کر بھی عمران خان کو ہرا نہیں سکتا۔
— Babar Awan (@BabarAwanPK) March 18, 2023
رکنِ سندھ اسمبلی فردوس شمیم نقوی نے کہا کہ لاہور ہائیکورٹ کے احکامات کے باوجود زمان پارک پر چادر اور چار دیواری کا خیال نہیں رکھا جارہا۔ پولیس گیٹ اور دیوار توڑ کر اندر داخل ہوگئی۔ کوئی پوچھنے والا نہیں۔ جنگل کا قانون محسوس ہورہا ہے۔
لاہور ہائیکورٹ کے احکامات کے باوجود زمان پارک پر چادر و چاردیواری دیواری کا خیال نہیں رکھا جارہا، گیٹ اور دیوار توڑ کر پولیس داخل ہوئی لیکن کوئی پوچھنے والا نہیں ہے جنگل کا قانون محسوس ہورہا ہے۔#چلو_چلو_عمران_کے_ساتھ pic.twitter.com/QTvjb0XjIY
— Firdous Shamim Naqvi (@Fsnaqvi) March 18, 2023
