گوگل نیوز پر ہمیں فالو کریںاسلام آباد: وفاقی وزیرِ اطلاعات شبلی فراز نے کہا ہے کہ پاکستان ڈیموکریٹک موومنٹ (پی ڈی ایم) کی 31 جنوری کی ڈیڈ لائن گزر چکی ہے اور اپوزیشن کی طرف سے دی گئی استعفوں کی دھمکی کھوکھلی نکلی۔
سماجی رابطے کی ویب سائٹ ٹوئٹر پر اپنے پیغام میں وزیرِ اطلاعات شبلی فراز نے کہا کہ پی ڈی ایم کی 31 جنوری کی ڈیڈ لائن گزر گئی ہے۔ استعفے دینے کی حزبِ اختلاف کی کھوکھلی دھمکی بھی آشکار ہو گئی۔
پیغام میں وزیرِ اطلاعات شبلی فراز نے کہا کہ قوم کو پتہ چل گیا کہ اپوزیشن رہنماؤں اور پی ڈی ایم کا ایجنڈا ذاتی مفادات اور اقتدار و حکمرانی کی ہوس ہے۔ اپوزیشن کی حسرتیں اور سازشیں دم توڑ گئی ہیں۔
وزیرِ اطلاعات شبلی فراز نے کہا کہ عوام نے اپوزیشن جماعتوں کے سیاسی رہنماؤں کے ہر قول و فعل کو یکسر مسترد کرنے کے بعد پی ٹی آئی اور عمران خان کی منتخب جمہوری حکومت کا ساتھ دیا ہے۔
پی ڈی ایم کی31جنوری کی ڈیڈ لائن گزر گئی، استعفے دینے کی کھوکھلی دھمکی بھی آشکار ہوگئی۔ قوم کو پتہ چل گیا کہ ان کا ایجنڈا ذاتی مفاد اور ہوس اقتدار ہے۔ اپوزیشن کی حسرتیں اور سازشیں دم توڑ گئیں۔ عوام نے اپوزیشن کے ہرقول و فعل کو یکسر مسترد کر کے منتخب جمہوری حکومت کا ساتھ دیا۔
— Senator Shibli Faraz (@shiblifaraz) February 1, 2021
یہ بھی پڑھیں: پی ڈی ایم کا ہر دعویٰ جھوٹا ، تحریک عدم اعتماد نہیں آئیگی، شبلی فراز
