سندھ میں پی ٹی آئی کے تین مزید ارکان منحرف ہوگئے، شہلا رضا کا دعویٰ

کراچی:صوبائی وزیرشہلا رضا نے کہاہے کہ سندھ میں پی ٹی آئی کے تین مزید ارکان منحرف ہوگئے ہیں۔

سماجی رابطے کی ویب سائٹ ٹوئٹرپر اپنے پیغام میں پیپلز پارٹی رہنماشہلا رضا نے کہا کہ سندھ اسمبلی کا اجلاس شروع ہوچکا ہے، پی ٹی آئی کے کئی اراکین غائب ہیں۔

سندھ میں PTI کے تین مزید ارکان منحرف ہوگئے،PTI نے حفاظت کے نام پر اپنےارکان کو ایک نجی ہوٹل میں شفٹ کردیا تھالیکن رات میں گورنر ہاؤس کےحکم پر ان ارکان کو دوسرے ہوٹل منتقل کیا جا رہا تھاجو تین ارکان نےیہ حکم ماننے سے انکار کردیا اور اپنے گھروں پر چلے گئ،گورنر سمیتPTI قیادت پریشان

— Syeda Shehla Raza (@SyedaShehlaRaza) March 2, 2021

متحدہ کے ارکان تو کئی روز سے اجلاس میں نہیں آرہے۔ پیپلز پارٹی اور جی ڈی اے کے اراکین اسمبلی میں موجود ہیں۔انہوں نے دعوی کیا کہ سندھ میں پی ٹی آئی کے تین مزید ارکان منحرف ہوگئے۔ پی ٹی آئی نے حفاظت کے نام پر اپنے ارکان کو ایک نجی ہوٹل میں شفٹ کردیا تھا۔

شہلا رضا نے کہاکہ رات میں گورنر ہاؤس کے حکم پر ان ارکان کو دوسرے ہوٹل منتقل کیا جا رہا تھا، تو تین ارکان نے یہ حکم ماننے سے انکار کردیا اور اپنے گھروں پر چلے گئے، گورنر سمیت پی ٹی آئی قیادت پریشان ہے۔

مزید پڑھیں: سینیٹ میں سب سے بڑی منڈی سندھ میں لگی ہوئی ہے، خرم شیر زمان