گوگل نیوز پر ہمیں فالو کریںکراچی: وفاقی وزیرِ بحری امور علی زیدی نے کہا ہے کہ سابق وزیرِ اعظم یوسف رضا گیلانی کو شرم کے مارے سینیٹ انتخابات سے دستبردار ہوجانا چاہئے کیونکہ ان کے صاحبزادے نے یوسف رضا کی جانب سے ووٹ خریدنے کا اعتراف کیا۔
سماجی رابطے کی ویب سائٹ ٹوئٹر پر اپنے پیغام میں گزشتہ روز وزیرِ بحری امور علی زیدی نے کہا کہ سینیٹ انتخابات میں پی ڈی ایم امیدوار یوسف رضا گیلانی کے بیٹے علی حیدر گیلانی کی ووٹ خریدنے سے متعلق ویڈیو جاری ہوئی اور پریس کانفرنس میں علی حیدر گیلانی نے اس کا اعتراف بھی کر لیا۔
ٹوئٹر پیغام میں وزیرِ بحری امور علی زیدی نے کہا کہ یوسف رضا گیلانی کو شرم کے مارے سینیٹ انتخابات کی دوڑ سے دستبردار ہوجانا چاہئے، لیکن ہم بھی جانتے ہیں کہ شرم پاکستان ڈیموکریٹک موومنٹ (پی ڈی ایم) کا وسطی نام ہے، اس لیے یوسف رضا گیلانی الیکشن سے دستبردار نہیں ہوں گے۔
Given the video of his son Ali Haider Gilani buying votes on his behalf & then his press conference admitting the same, Yusuf Raza Gilani should withdraw from the Senate race if he has any shame!
But as we know “shame” is all of PDM’s middle name! pic.twitter.com/H1lt80fkpQ— Ali Haider Zaidi (@AliHZaidiPTI) March 2, 2021
یاد رہے کہ اِس سے قبل الیکشن کمیشن آف پاکستان نے سابق وزیراعظم یوسف رضا گیلانی کے بیٹے علی حیدر گیلانی کی ویڈیو کا نوٹس لے لیا۔
ترجمان الیکشن کمیشن کا گزشتہ روز کہنا تھا کہ علی حیدر گیلانی کی ویڈیو کا باریک بینی سے جائزہ لیا جائے گا اور ویڈیو کی میرٹ پر تحقیقات ہوں گی۔
مزید پڑھیں: الیکشن کمیشن نے علی حیدر گیلانی کی ویڈیو کا نوٹس لےلیا
