پاکستانی کاروباری شخصیت احمدخان ترکی میں سرمایہ کاری بورڈ کے اعزازی مشیر مقرر

استنبول: ترک نژاد پاکستانی کاروباری شخصیت احمد خان کو ترکی میں سرمایہ کاری بورڈ کا اعزازی مشیر مقرر کیا گیا ہے جنہیں پاکستانی سفیر سائرس قاضی نے مبارکباد پیش کی۔

سماجی رابطے کی ویب سائٹ ٹوئٹر ترک میڈیا کی جانب سے جاری کی گئی خبر میں بتایا گیا کہ ترک نژاد پاکستانی بزنس مین احمد خان کو حکومتِ پاکستان نے ترکی میں بورڈ آف انویسٹمنٹ کا اعزازی مشیر مقرر کیا۔

ترک نژاد پاکستانی بزنس مین احمد خان کو حکومت پاکستان نے ترکی میں بورڈ آف انویسٹمنٹ کا اعزازی مشیر مقرر کردیا
احمد خان ترکی کےشہر برسا میں چیمبرآف کامرس کےایگزیکٹوممبر اور عرصہ درازسے وہیں مقیم ہیں
احمد خان کو اعزازی مشیر کا نوٹیفکیشن ترکی میں پاکستان کے سفیر سائرس قاضی نے دیا pic.twitter.com/ECOsn560sZ

— ترکیہ اردو (@TurkiyeUrdu_) January 17, 2022

ٹوئٹر پیغام کے مطابق احمد خان ترکی کے شہر برسا میں چیمبر آف کامرس کے ایگزیکٹو رکن اور عرصہ دراز سے ترکی میں ہی مقیم ہیں۔ احمد خان کو اعزازی مشیر کا نوٹیفکیشن ترکی میں پاکستانی سفیر سائرس قاضی نے دیا۔ 

خیال رہے کہ  پاکستان اور ترکی کے مابین دوستانہ و برادرانہ تعلقات مذہبی و ثقافتی بنیادوں پر بہت گہرے سمجھے جاتے ہیں۔ حال ہی میں آفمی چیف سے ترکی کی بری فوج کے سربراہ نے ملاقات کی جس میں اہم گفتگو ہوئی۔ 

گزشتہ ماہ کی گئی ملاقات کے دوران دونوں ممالک کے مابین دفاعی تعلق کےساتھ ساتھ باہمی دلچسپی کے امورپربھی بات چیت ہوئی۔آرمی چیف نے کہاکہ پاکستان ترکی کےساتھ برادرانہ تعلقات کوبہت اہمیت دیتاہے۔