گوگل نیوز پر ہمیں فالو کریںایران پر حالیہ امریکی حملوں پر شدید ردعمل دیتے ہوئے سپریم لیڈر مجتبیٰ خامنہ ای نے اسرائیل اور امریکہ دونوں کو سخت تنقید کا نشانہ بنایا، جس کا جواب دیتے ہوئے اسرائیلی وزیر خارجہ کا کہنا ہے کہ آپ کے والد بھی یہی کہتے تھے۔
تفصیلات کے مطابق ایرانی سپریم لیڈر نے اپنے طویل سوشل میڈیا پیغام میں اسرائیل کو مہلک بیماری کینسر کے ٹیومر سے تشبیہ دی۔ اس بیان کے فوراً بعد اسرائیلی وزیر خارجہ نے جواب دیتے ہوئے کہا کہ آپ کے والد بھی اسی نوعیت کے خیالات پہلے بھی ظاہر کرتے رہے ہیں۔
اپنے پیغامات میں مجتبیٰ خامنہ ای نے لکھا کہ زوال پذیر صیہونی حکومت اور اسرائیل نامی یہ خطرناک ٹیومر اب اپنے انجام کے قریب پہنچ چکا ہے۔ ایک اور پیغام میں انہوں نے کہا کہ امریکہ مردہ باد اور اسرائیل مردہ باد جیسے نعرے جلد امتِ مسلمہ اور دنیا کے مظلوم طبقات کی مشترکہ آواز بن جائیں گے۔
اس کے جواب میں اسرائیلی وزیر خارجہ نے سوشل میڈیا پلیٹ فارم پر ردعمل دیتے ہوئے لکھا کہ یہ باتیں انہیں بہت جانی پہچانی لگتی ہیں۔ انہوں نے طنزیہ انداز میں کہا کہ مجھے یاد ہے کہ اسی طرح کا نام رکھنے والے ایک شخص نے بھی ماضی میں یہی مؤقف اپنایا تھا، اور ساتھ ہی سوال کیا کہ آپ اس وقت کہاں موجود ہیں؟
Sounds familiar.
I remember someone with a similar surname who used to say it.BTW, where are you? https://t.co/wKn6Wkxsbx
— Gideon Sa’ar | גדעון סער (@gidonsaar) May 26, 2026
خیال رہے کہ اس سے قبل ایک اور پیغام میں مجتبیٰ خامنہ ای نے اپنے والد کے ایک دہائی پرانے بیان کا حوالہ دیتے ہوئے کہا تھا کہ اسرائیل 25 سال بعد کا وقت نہیں دیکھ سکے گا۔ اس بیان کے بعد دونوں رہنماؤں کے درمیان سوشل میڈیا پر لفظی جنگ مزید شدت اختیار کر گئی۔ اسی دوران انہوں نے خلیجی ممالک اور امریکہ کے حوالے سے بھی سخت مؤقف اپناتے ہوئے کہا کہ خلیجی ریاستیں اب امریکی فوجی اڈوں کے لیے حفاظتی ڈھال نہیں رہیں گی۔
