ایچ بی ایل پی ایس ایل 7، لاہور نے اسلام آباد کو جیتنے کیلئے 169 رنز کا ہدف دیدیا

 ایچ بی ایل پی ایس ایل 7 کے اہم میچ میں لاہور قلندرز نے اسلام آباد یونائیٹیڈ کو جیتنے کیلئے 169 رنز کا ہدف دے دیا ہے۔ شاہین آفریدی نے ٹاس جیت کر بیٹنگ کا فیصلہ کیا تھا۔

تفصیلات کے مطابق قذافی اسٹیڈیم لاہور میں قلندرز کے کپتان شاہین آفریدی نے ٹاس جیتا جس کے بعد لاہور نے بیٹنگ شروع کی۔ پہلے ہی اوورمیں فخر زمان صرف 1 رن بنا کر پویلین لوٹ گئے۔ ڈاؤسن بھی 2 رنز کے بعد آؤٹ ہو گئے۔

یہ بھی پڑھیں:

پی ایس ایل 7، لاہور قلندرز کا ٹاس جیت کر اسلام آباد کیخلاف بیٹنگ کا فیصلہ

آگے آنے والے بیٹرز عبداللہ شفیق، محمد حفیظ اور کامران غلام نے ذمہ دارانہ بیٹنگ کرتے ہوئے لاہور قلندرز کے 20 اوورز میں 168 رنز بنانے میں کردار ادا کیا۔ اسلام آباد یونائٹیڈ نے 169 رنز کے تعاقب کیلئے بیٹنگ کا آغاز کردیا ہے۔

قلندرز کے اہم ترین بیٹرز عبداللہ شفیق، کامران غلام اور محمد حفیظ رہے جنہوں نے بالترتیب 52، 30 اور 28 رنز بنائے۔ اسلام آباد کے لیام ڈاؤسن اور محمد وسیم نے لاہور کے 2،2 کھلاڑیوں کو پویلین کی راہ دکھائی۔ 

خیال رہے کہ اس سے قبل قذافی اسٹیڈیم میں کھیلے گئے ایچ بی ایل پی ایس ایل 7کے اہم میچ میں اسلام آباد یونائیٹڈ نے پشاور زلمی کو شکست دیدی۔

پشاور زلمی نے اسلام آباد یونائیٹڈ کے خلاف ٹاس جیت کر پہلے بیٹنگ کرنے کا فیصلہ کیا اور مقررہ 20 اوورز میں اسلام آباد یونائیٹڈ کو جیت کے لیے 170 رنز کا ہدف دے دیا۔

اسلام آباد یونائیٹڈ نے 170 رنز کا ہدف 20 اوور کی تیسری گیند پر 5 وکٹوں کے نقصان پر پورا کرلیا۔ زلمی کے کامران اکمل نے 58 جبکہ شعیب ملک نے 55 رنز بنائے تھے۔