گوگل نیوز پر ہمیں فالو کریںاسلام آباد: وفاقی وزیر اطلاعات و قانون چوہدری فواد حسین نے سپریم کورٹ کے فیصلے کو افسوس ناک قرار دے دیا۔
وزیر اعظم عمران خان کے خلاف تحریک عدم اعتماد کے بارے میں ڈپٹی اسپیکر قومی اسمبلی کے فیصلے کو کالعدم قرار دینے کے سپریم کورٹ کے اعلان کے بعد اپنے ٹویٹ میں فواد چوہدری نے کہا کہ بدقسمتی سے اس فیصلے نے پاکستان میں سیاسی بحران کو بہت بڑھا دیا ہے۔
اس بد قسمت فیصلے نے پاکستان میں سیاسی بحران میں بہت اضافہ کرُدیا ہے فوری الیکشن ملک میں استحکام لا سکتا تھا بدقسمتی سے عوام کی اہمیت کو نظر انداز کیا گیا ہے ابھی دیکھتے ہیں معاملہ آگے کیسے بڑھتا ہے
— Ch Fawad Hussain (@fawadchaudhry) April 7, 2022
انہوں نے مزید لکھا کہ انتخابات کے فوری انعقاد سے ملک میں استحکام آسکتا ہے۔ انہوں نے مزید کہا کہ بدقسمتی سے مفاد عامہ کی اہمیت کو نظر انداز کیا گیا۔
فواد چوہدری کا کہنا تھا کہ ”اب دیکھیں معاملہ کیسے آگے بڑھتا ہے“۔
مزید پڑھیں: سپریم کورٹ کا بڑا فیصلہ، ڈپٹی اسپیکر کی رولنگ آئین سے متصادم قرار، قومی اسمبلی بحال
