گوگل نیوز پر ہمیں فالو کریںاسلام آباد: وزیر اعظم میاں شہباز شریف نے موسمیاتی تبدیلیوں سے نمٹنے کیلئے ٹاسک فورس قائم کرنے کا فیصلہ کیا ہے جو مستقبل میں ماحولیاتی تغیرات سے ہونے والے نقصانات سے بچاؤ پر اقدامات اٹھائے گی۔
سماجی رابطے کی ویب سائٹ ٹوئٹر پر اپنے پیغام میں وزیر اعظم شہباز شریف نے کہا کہ موسمیاتی تبدیلیوں کو مدِ نظر رکھتے ہوئے ماہرین پر مشتمل ٹاسک فورس بنائی جارہی ہے۔
پاکستان کو پانی کی کمی کے باعث خشک سالی کا خدشہ ہے۔شیری رحمان
ٹوئٹر پیغام میں وزیر اعظم شہباز شریف نے کہا کہ ٹاسک فورس ششپر گلیشیئر جیسے واقعات سے مستقبل میں بچاؤ، غذائی اور پانی کی قلت سے بچنے کیلئے مؤثر اقدامات اٹھائے گی۔
وزیر اعظم شہباز شریف نے کہا کہ موسمیاتی تبدیلیوں پر قائم کی جانےوالی ٹاسک فورس پانی کو بچانے اور موجودہ آبی ذخائر کی حفاظت اور جنگلات کے تحفظ کیلئے جامع حکمتِ عملی اور اقدامات اٹھائے گی۔
موسمیاتی تبدیلی کو مدنظر رکھتے ہوئے ماہرین پر مشتمل ٹاسک فورس بنائی جا رہی ہے جو شسپر گلیشئیر جیسے واقعات سے مسقبل میں بچاؤ، غذائی اور پانی کی قلت سے بچنے کیلئے مؤثراقدامات، پانی کے بچاؤ اور موجودہ ذخائر کی حفاظت اور جنگلات کے تحفظ کیلئے جامع حکمتِ عملی اور اقدامات کرے گی۔
— Shehbaz Sharif (@CMShehbaz) May 16, 2022
ماحولیاتی تغیرات کے متعلق وزیر اعظم نے کہا کہ پاکستان موسمیاتی تبدیلی کے خطرے سے دوچار ہونے والے ممالک میں پانچویں نمبر پر ہے۔ پانی کی کمی کے خدشے کا براہِ راست اثر ملک کی زراعت پر ہوتا ہے۔
انہوں نے کہا کہ حکومت موسمیاتی تبدیلیوں پر قابو پانے کیلئے ہر ممکن اقدامات اٹھائے گی۔ پانی کے بچاؤ اور اس کے ضیاع کو روکنے کیلئے ہم سب کو اپنا انفرادی کردار بھی ادا کرنا ہوگا۔
پاکستان موسمیاتی تبدیلی کے خطرے سے دوچار ہونے والے ممالک میں پانچویں نمبر پر ہے۔ پانی کی کمی کے خطرے کا براہِ راست اثر پاکستان کی زراعت پر ہے اور اس ضمن میں حکومت ہر ممکن اقدامات کرے گی۔ پانی کے بچاؤ اور اس کے ضیاع کو روکنے کے لیے ہم سب کو اپنا انفرادی کردار بھی ادا کرنا ہوگا۔
— Shehbaz Sharif (@CMShehbaz) May 16, 2022
