مہوش حیات کے ’آئیڈیل مین‘ میں کیا خصوصیات ہونی چاہئیں؟ جانئے

پاکستان کی دلکش و معروف اداکارہ مہوش حیات نے حال ہی میں اپنے ’آئیڈیل مین‘ کی خصوصیات کے بارے میں اہم انکشاف کیا ہے۔

اداکارہ اِن دنوں اپنی فلم لندن نہیں جاؤنگا کی تشہیر  میں مصروف ہیں، جس کے سلسلے میں وہ کئی پروگرامز میں شرکت کررہی ہیں، حال ہی میں مہوش حیات نے مذاق رات میں شرکت کی جہاں پر انہوں نے کہا کہ آج وہ جس مقام پر ہیں، اُس کیلئے انہوں نے بہت زیادہ محنت کی ہے۔

اداکارہ کا کہنا تھا کہ میرا آئیڈیل وہی ہوگا جو کہ میرے کام کی اہمیت کو سمجھتا ہوگا اور کبھی بھی مجھے کام چھوڑنے کیلئے نہیں کہے گا بلکہ وہ آگے بڑھنے میں میری مدد کرے گا۔

یہ بھی پڑھیں:

اداکارہ عشنا شاہ محبت میں مبتلا، سوشل میڈیا پر پوسٹ وائرل

مہوش حیات مزاحیہ فلم ایکٹر ان لاء (2016)، پنجاب نہیں جاؤں گی (2017)، لاڈ ویڈنگ (2018)، اور چھلاوا (2019) جیسی فلموں میں اپنے اہم کرداروں کے لیے جانی جاتی ہیں، یہ سبھی پاکستان کی مشہور فلمیں ہیں۔

واضح رہے کہ سال 2019 میں اداکارہ کو حکومت پاکستان نے تمغہ امتیاز سے نوازا تھا۔

کام کے محاذ پر، حیات کی ‘لندن نہیں جاؤں گا’ ابھی اس ہفتے کے آخر میں سینما گھروں کی زینت بنی ہے۔ ندیم بیگ کی ہدایت کاری میں بننے والی اس فلم میں مہوش کے علاوہ ہمایوں سعید، گوہر رشید، کبریٰ خان، واسع چوہدری، صبا فیصل، آصف رضا میر، صبا حمید اور سلمان شاہد شامل ہیں۔