پنجاب حکومت نے دعا زہرا کو لاہور کے دارالامان بھجوادیا ہے جبکہ ظہیر کی گرفتاری کے لیے چھاپے مارے جارہے ہیں۔

وزیر اعظم اسٹریٹجک اصلاحات کے سربراہ سلمان صوفی نے اپنی ٹوئٹ میں کہا ہے کہ عدالتی حکم کے بعد حکومت پنجاب نے دعا زہرہ کو سخت حفاظتی انتظامات میں دارالامان منتقل کردیا ہے۔

سلمان صوفی نے مزید کہا کہ سندھ حکومت سے درخواست کی گئی ہے کہ وہ دعا زہرا کو اس کے والدین تک پہنچانے کے لئے خصوصی ٹیم بھیجے جبکہ محمد ظہیر کی گرفتاری کے لیے کارروائیاں جاری ہیں۔

Update on #DuaZehra

Punjab Gov has secured Dua Zehra at Dar UL Aman under strict security and protection after a court order.

Sindh Government has been requested to dispatch a child protection bureau team to take her to her parents.

Mr Zaheer is being traced for arrest.

— Salman Sufi (Wear A Mask To Save Lives) (@SalmanSufi7) July 19, 2022

اس سے قبل دعا زہرا نے ڈسٹرکٹ کورٹ لاہور میں درخواست دائر کی تھی جس میں کہا گیا تھا کہ اس کی جان کو خطرہ ہے، اسے جان سے مارنے کی دھمکیاں مل رہی ہیں۔

یہ بھی پڑھیں:

لاہور کی عدالت کا دعا زہرا کو دار الامان بھیجنے کا حکم

اپنی درخواست میں دعا زہرا نے استدعا کی تھی کہ جان کے خطرے کے پیش نظر اسے دارالامان منتقل کیا جائے۔

موقف سننے کے بعد فاضل جج نے دعا زہرا کی استدعا قبول کرتے ہوئے اسے لاہور کے دارالامان منتقل کرنے کا حکم دے دیا تھا۔