بالی ووڈ میں پاکستانی ستاروں کے ساتھ اچھا سلوک نہیں کیا جاتا، میکال ذوالفقار

پاکستان کے مشہور و معروف اداکار میکال ذوالفقار نے کہاہے کہ بالی ووڈ میں پاکستانی ستاروں کے ساتھ بالکل اچھا سلوک نہیں ہوتا۔

حال ہی میں میکال ذوالفقار نے ایک انٹرویو میں بالی ووڈ انڈسٹری کے حوالے سے بات کی، اداکار نے کہا کہ بالی ووڈ ایک بہت بڑی فلم انڈسٹری ہے۔

میکال ذوالفقار نے کہا کہ اگر پاکستانی فلم انڈسٹری کا بالی ووڈ فلم انڈسٹری سے موازنہ کریں تو یہ کہنا غلط نہیں ہوگا کہ پاکستانی انڈسٹری بینک آف پنجاب ہے جبکہ بالی ووڈ انڈسٹری بینک آف امریکہ ہے۔

یہ بھی پڑھیں:

عائزہ خان میری پوری شادی کنٹرول کرنا چاہتی تھیں، بھائی احد کی سابقہ منگیتر کے الزامات

انہوں نے کہا کہ بالی ووڈ میں فواد ، ماہرہ اور راحت فتح علی خان کے ساتھ جو سلوک کیا گیاوہ انتہائی غیر مناسب تھا ، بالی ووڈ پاکستانیوں کا غلط استعمال کرتا ہے اور انہیں دقیانوسی تصور کرنے کی کوشش کرتا ہے۔

اپنی طلاق کےحوالے سے بات کرتے ہوئے میکال ذوالفقار نے کہا کہ وہ شادی سے خوفزدہ ہیں اور وہ دوبارہ شادی کے لیے تیار نہیں ہیں۔

اداکار کی پہلی شادی سارہ بھٹی سے ہوئی تھی جس سے اُن کی دو بیٹیاں بھی ہیں۔