غلاف کعبہ کی تبدیلی کی تیاریاں مکمل کرلی گئیں

سعودی حکام کا کہنا ہے کہ غلاف کعبہ کی تبدیلی کی تیاریاں مکمل ہیں، اس کارخیر میں 200 سے زائد ماہرین وکارکنان حصہ لیں گے۔

دوسری جانب فریضہ حج کی ادائیگی کے بعد بیرون ملک سے آئے حجاج کی واپسی کا سلسلہ تاحال جاری ہے۔

بین الاقوامی میڈیا رپورٹس کے مطابق بیرون ملک سے آئے7 لاکھ سے زائد حجاج فریضہ حج ادا کرکے اپنے اپنے وطن واپس پہنچ گئے ہیں جبکہ ایک لاکھ حجاج کرام کی روانگی آج رات مکمل ہوجائے گی۔

 ماہ ذی الحج کے آخری جمعے میں مسجد الحرام و مسجد نبویﷺ میں دو لاکھ افراد کی شرکت متوقع ہے۔