سیلاب زدگان کی مدد کے بجائےسابق وزیراعظم کنسرٹ کررہے ہیں، بلاول بھٹو

اسلام آباد: پاکستان پیپلز پارٹی کے چیئرمین اور وزیر خارجہ بلاول بھٹو زرداری نے ملک میں سیلاب کی تباہ کاریوں کے دوران سابق وزیراعظم عمران خان کو جلسے کرنے پر تنقید کا نشانہ بنایا ہے۔

سماجی رابطے کی ویب سائٹ ٹوئٹر پر اپنے پیغام میں وزیرخارجہ بلاول بھٹو زرداری نے کہا کہ پاکستان کو اپنی تاریخ کے بدترین سانحے کا سامنا ہے، ملک کا ایک تہائی حصہ زیرآب آچکا ہے۔

???????? is facing biggest disaster in our history. 1/3 of our country underwater! 1/7 citizens affected, 35million ppl! ex PM is holding concerts in KP & Punjab. CMs busy organizing his events instead of helping flood victims. Shameful, pehaly insan bano, phir siyasatdan bano! pic.twitter.com/ra0oal8WrW

— BilawalBhuttoZardari (@BBhuttoZardari) September 2, 2022

انہوں نے کہا کہ پاکستان میں تقریباً ساڑھے تین کروڑ افراد متاثر ہوئے جو کل ملکی آبادی کا ساتواں حصہ ہیں۔

یہ بھی پڑھیں:

امریکی سینٹرل کمانڈ کی ٹیم سیلاب کی تباہ کاریوں کا جائزہ لے گی

بلاول بھٹوزرداری کا کہنا تھا کہ سابق وزیراعظم خیبرپختونخوا اور پنجاب میں کنسرٹ کررہے ہیں، پنجاب اور خیبرپختونخوا کے وزرائے اعلیٰ سیلاب متاثرین کی امداد کے بجائے سابق وزیراعظم کے کنسرٹس کے انعقاد میں مصروف ہیں، ان حالات میں ایسا رویہ شرم ناک ہے۔

پی پی چیئرمین نے کہا کہ پہلے انسان بنو، پھر سیاست دان بنو۔