گوگل نیوز پر ہمیں فالو کریںاسلام آباد: پاکستان تحریک انصاف (پی ٹی آئی) کےچیئرمین عمران خان کا کہنا ہے کہ ریاست کے ہاتھوں جو کچھ اعظم سواتی کے ساتھ ہوا وہ تمام اقدار کی پامالی ہے۔
سماجی رابطے کی ویب سائٹ ٹوئٹر پر اپنے پیغام میں عمران خان نے کہا کہ پاکستان چادر اور چار دیواری کے تقدس، اقدار کی پاسداری اورخاندانی وقار اور عزت کے تقدس کے لیے وجود میں آیا تھا۔
Shocking details of what happened last night to Azam Swati and his family being stated by @AzamKhanSwatiPk himself 1/2 pic.twitter.com/gdLpAW30qe
— PTI (@PTIofficial) November 5, 2022
ٹوئٹر پیغام میں چیئرمین پی ٹی آئی نے کہا کہ ریاست کے ہاتھوں جو کچھ اعظم سواتی کے ساتھ ہوا وہ تمام اقدار کی پامالی ہے۔ اعظم سواتی کی اہلیہ کی ویڈیو کا سامنا آنا انتہائی قابل مذمت اور صدمے کا باعث ہے۔
انہوں نے کہا کہ دعا ہے کسی کو بھی ایسی صورتحال کا سامنا نہ کرنا پڑے۔ چیف جسٹس آف پاکستان اس واقعہ کا ازخود نوٹس لیں۔عمران خان نے کہا میں پورے پاکستان کی جانب سے اعظم سواتی کی تہجد گزار اہلیہ کو پہنچنے والے صدمے اور تکلیف پر معافی مانگتا ہوں۔
Pakistan was created on Islamic moral values of human dignity, honour of the family & inviolability of chadar & chardawari. What has happened to Azam Swati at the hands of the State has been a blatant violation of all these values – from being stripped naked to custodial torture
— Imran Khan (@ImranKhanPTI) November 5, 2022
قبل ازیں لاہور میں پریس کانفرنس کرتے ہوئے اعظم سواتی نے کہا تھا کہ میری اہلیہ کے ساتھ میری ذاتی ویڈیوز نامعلوم نمبر سے میری بیٹی کو بھیجی گئیں۔ بیٹی نے کہا کہ جب آپ کوئٹہ گئے تھے یہ اس کی ویڈیو ہے۔
اعظم سواتی نے سوال کہ ایک بیٹی جب اپنے باپ کو کہے کہ یہ ویڈیو آپ کی اور مما کی ہے تو سوچیں اس باپ پر کیا گزرے گی، صادق سنجرانی تم نے سپریم کورٹ کے جوڈیشل لاجز میں میرے قیام کا انتظام کیا تھا اور مجھ سے کہا تھا کہ چونکہ سپریم کورٹ کا کوئی جج اس وقت کوئٹہ میں موجود نہیں تو آپ لاجز میں رہ سکتے ہیں۔
