گوگل نیوز پر ہمیں فالو کریںپی ٹی آئی کے چیئرمین عمران خان نے نجی ٹی وی، اس کے اینکر اور مبینہ خریدار کے خلاف پاکستان اور بیرون ملک مقدمات کرنے کا اعلان کر دیا ہے۔
یہ بھی پڑھیں:
وزیر آباد واقعہ، اندراجِ مقدمہ کیلئے دائر پی ٹی آئی رہنما کی رٹ خارج
سماجی رابطے کی ویب سائٹ ٹوئٹر پر ایک بیان میں عمران خان نے کہا کہ جیو نیوز اور اس کے اینکر شاہ زیب خانزادہ نے ہینڈلرز کی حمایت سے میرے خلاف بے بنیاد اسٹوری چلائی۔
عمران خان نے کہا کہ نجی ٹی وی، اس کے اینکر اور ہینڈلرز کے خلاف نہ صرف پاکستان بلکہ متحدہ عرب امارات اور برطانیہ کی عدالتوں میں مقدمہ کروں گا۔
بس بہت ہوگیا!کل جیو اور خانزادہ نے سرپرستوں کی مدد سے ایک مشہورِ زمانہ دھوکے باز اور عالمی سطح پرمطلوب مجرم کی تراشی گئی بے بنیاد کہانی کے ذریعے مجھ پر بہتان تراشی کی۔ میں نے اپنے وکلاء سے بات کی ہے اور میں جیو، خانزادہ اور اس دھوکے باز کیخلاف پاکستان میں ہی نہیں
— Imran Khan (@ImranKhanPTI) November 16, 2022
سابق وزیر اعظم کا کہنا تھا کہ مجھ پر جھوٹے الزامات لگانے کے لیے ایک جانے پہچانے فراڈئیے اور عالمی سطح پر مطلوب مجرم کو استعمال کیا گیا۔
عمران خان نے کہا کہ نجی ٹی وی، اس کے میزبان، فراڈئیے اور ہینڈلرز کے خلاف مقدمہ درج کرانے کے لئے اپنے وکلا سے مشاورت شروع کردی۔
