آئین اور قانون کو روند کر ملک کو بنانا ری پبلک بنادیا گیا ہے، عمران خان

لاہور: پاکستان تحریک انصاف کے چیئرمین عمران خان نے کہا ہے کہ آئین اور قانون کو روند کر ملک کو بنانا ری پبلک بنا دیا گیا ہے۔

چیئرمین پی ٹی آئی عمران خان نے اپنے ایک بیان میں کہا کہ فواد چوہدری کو ہتھکڑیاں اور چہرے کو دہشتگرد کی طرح ڈھانپ کر عدالت میں پیش کیا گیا۔ ایسا کرنا ظاہر کرتا ہے کہ امپورٹڈ حکومت کس طرح انتقامی سطح پر پہنچ چکی ہے۔

Taking Fawad to court handcuffed & head/face covered like a terrorist shows the low & vindictive levels Imported govt & State have reached. The treatment of Fawad Ch & Azam Swati & Gill before him leaves no doubt in people’s mind that now we are a banana republic.

— Imran Khan (@ImranKhanPTI) January 28, 2023

انہوں نے کہا کہ اس سے قبل اعظم سواتی اور شہباز گل کے ساتھ بھی ہتک آمیز رویہ اپنایا گیا اور ایسے رویے سے کوئی شک باقی نہیں رہا کہ ریاست بنانا ریپبلک بن چکی ہے۔

یہ بھی پڑھیں:

فواد چوہدری کے مزید جسمانی ریمانڈ کیلئے پولیس کی درخواست منظور

عمران خان نے کہا کہ ملک میں جنگل کا قانون ہے جہاں آئین و قانون کی اہمیت نہیں۔ آئین اور قانون کو روند کر ملک کو بنانا ری پبلک بنا دیا گیا ہے اور فواد چودھری سمیت دیگر رہنماؤں کے ساتھ رویہ حکومتی سوچ کی عکاس ہے۔