گوگل نیوز پر ہمیں فالو کریںپاکستان کی معروف لیکن متنازع اداکارہ میرا ایک بار پھر نئے تنازعے کا شکار ہوگئی ہیں، عوام کا کہنا ہے کہ انہوں نے عمرے کی ادائیگی کو بھی مذاق بنادیا ہے۔
میرا نے مسجد نبوی ﷺ میں فرض نماز کی باجماعت ادائیگی کے دوران اپنی ویڈیو بناکر سوشل میڈیا پر شیئر کردی، اور انہیں نماز کے تقدس کی پامالی پر شدید تنقید کا نشانہ بنایا جارہا ہے۔
مدینہ منورہ میں موجود میرا نے اپنی ایک ویڈیو شیئر کی ہے، جس میں وہ مسجد نبوی ﷺ میں فرض نماز کی ادائیگی کے دوران اپنے موبائل فون سے اپنی ہی نماز پڑھنے کی ویڈیو بنانے میں مصروف ہیں۔
View this post on Instagram
میرا نے روضہ رسول ﷺ پر حاضری کے دوران بھی اپنی ویڈیو بنائی اور انسٹاگرام پر شیئر کی۔
اس سے قبل میرا نے عمرہ کی ادائیگی کے دوران بھی اپنی تصاویر سوشل میڈیا پر شیئر کی تھیں۔
