گوگل نیوز پر ہمیں فالو کریںکراچی کے چڑیا گھرکی بیمار ہتھنی نورجہاں کے چل بسنے کے بعد سری لنکا کی جانب سے پاکستان کو دو ہاتھی تحفے میں دینے کی خبریں جھوٹی ثابت ہوئیں۔
سری لنکا کے اعزازی قونصلر یاسین جوئیہ نے سری لنکن حکومت کی جانب سے پاکستان کو دو ہاتھی تحفے میں دینے پر آمادگی سے متعلق بیان کی تردید کی ہے۔
گزشتہ دنوں معروف پاکستانی میڈیا ادارے نے سری لنکا کے اعزازی قنصلر یاسین جوئیہ کے حوالے سے خبر دی تھی کہ سری لنکا 2 مادہ ہاتھی پاکستان بھیجے گا جن میں سے ایک کراچی چڑیا گھر اور دوسرا لاہور کے لیے ہوگا۔
یاسین جوئیہ نے پیر کی شب ایک ٹویٹ میں وضاحت کی کہ سوشل میڈیا پران کے بیان کا غلط حوالہ دیا گیا ہے۔
This is to clarify that I have not made any statement regarding SL- government’s willingness to gift
two elephants to Pakistan. Some social media do miss-quote referring me for this statement. SriLankan gov. has already imposed ban on gifting /transferring any animals 1— Yasin Joyia (@joyia_yasin) April 24, 2023
اعزازی قونصل جنرل نے اپنی ٹویٹ میں واضح کیا کہ انہوں نے سری لنکن حکومت کی جانب سے ہاتھی تحفے میں دینے کی خواہش سے متعلق کوئی بیان نہیں دیا ہے، ”سری لنکن حکومت نے پہلے ہی کسی بھی جانورکو تحفے میں دینے / منتقل کرنے پرپابندی عائد کررکھی ہے“۔
پاکستان میں سری لنکا کے ہائی کمیشن نے بھی اس معاملے کی وضاحت کرتے ہوئے ایک بیان ٹویٹ کیا۔
Sri Lanka has not taken action or discussed in providing Elephants to the Zoo’s in Karachi or Lahore, neither Government of Pakistan has made any such request.
This post indicate the correct position in view of certain articles in media and discussions on going on social media. pic.twitter.com/ErMF7hJXAn— Sri Lanka High Commission in Pakistan (@SLinPakistan) April 25, 2023
انہوں نے کہا کہ سری لنکا کی جانب سے کراچی یا لاہور میں چڑیا گھر کو ہاتھی فراہم کرنے سے متعلق کوئی بات نہیں ہوئی نہ ہی حکومت پاکستان نے ایسی کوئی درخواست کی ہے۔
