گوگل نیوز پر ہمیں فالو کریںبالی ووڈ کے معروف اداکار آیوشمان کھرانہ نے ایک کنسرٹ میں پاکستانی گلوکار کیفی خلیل کا مشہور ’کہانی سنو‘ گنگنایا، جس کی ویڈیو سوشل میڈیا پر وائرل ہوگئی۔
کیفی خلیل کا گانا کہانی سنو صرف پاکستان میں ہی مقبول نہیں ہوا بلکہ اس نے دنیا بھر میں شہرت حاصل کی ہے اور خاص طور پر پڑوسی ملک بھارت میں کئی گلوکاروں نے اس گانے کو اپنی آواز میں گنگنانے کی کوشش کی ہے۔
حال ہی میں آیوشمان کھرانہ نے بڑی خوبصورتی کے ساتھ کیفی خلیل کے گانے ’کہانی سنو‘ کو گنگنایا، جس کو لوگوں نے کافی پسند کیا لیکن اُن کی اکثریت کا ایسا ماننا تھا کہ یہ گانا کیفی خلیل کی آواز میں زیادہ خوبصورت لگتا ہے۔
View this post on Instagram
صارفین کے مطابق جو جادو اور سرور کیفی خلیل کی آواز میں ہے وہ کسی اور کی آواز میں نہیں ہے جبکہ کچھ نے درخواست کی کہ اس گانے کو دوبارہ گنگنانے کی کوشش نہ کریں یہ صرف کیفی خلیل کی آواز میں ہی اچھا لگتا ہے۔
اس سے قبل بھارتی گلوکار جوبن نوٹیال نے بھی ایک کنسرٹ میں کہانی سنو کو گنگنایا تھا جس کو بھی مداحوں کی جانب سے ناپسند کیا گیا تھا، مداحوں کا ایسا ماننا تھا کہ جوبن نوٹیال نے اس گانے کو برباد کردیا ہے۔
