گوگل نیوز پر ہمیں فالو کریںافغانستان میں امریکی فوج کے انخلاء کے بعد بھی خونی کھیل تھمنے کا نام نہیں لے رہا، صوبے بدخشاں کی مسجد میں دھماکے سے سابق پولیس کمانڈر سمیت 15 افراد جان کی بازی ہار گئے جبکہ 50زخمی ہوگئے۔
افغان حکام کا اس حوالے سے کہنا ہے کہ دھماکا افغان شہر فیض آباد کی مسجد میں ہوا، دھماکے میں بغلان پولیس کے سابق کمانڈر صفی اللہ صمیم سمیت 15 لقمہ اجل بن گئے اور 50زخمی ہوگئے۔
افغان حکام کے مطابق دھماکے کے باعث اموات میں اضافے کا خدشہ ہے، دھماکا بدخشاں کے جاں بحق نائب گورنر مولوی نثار احمد کی فاتحہ خوانی کے دوران ہوا۔
مزید پڑھیں:امریکا کے اسکول میں فائرنگ سے 2افرادہلاک
واضح رہے کہ بدخشاں کے نائب گورنر منگل کو فیض آباد میں کار بم دھماکے میں جاں بحق ہوئے تھے، کار بم دھماکے کی ذمہ داری داعش کی جانب سے قبول کی گئی تھی۔
