گوگل نیوز پر ہمیں فالو کریںحرم شریف میں دن کے مختلف اوقات میں بارش کا سلسلہ جاری، تاہم بارش کے دوران بھی زائرین نے عمرہ کے مناسک ادا کرنا جاری رکھے۔ بارش کے پانی میں بھیگتے ہوئے بھی طواف جاری رہا۔ لوگوں نے دعائیں مانگیں۔ روح پرور مناظر دیکھنے میں آئے۔
پانی کی رم جھم دیکھ کر معتمرین میں خوشی کی لہر دوڑ گئی۔ زائرین نے بارش کے پانی میں بھیگتے ہوئے اپنے رب کی خوشنودی حاصل کرنے کی سعی جاری رکھی۔
غزہ: وہ عظیم شہر جسے پیغمبر اسلام کے والد اور پردادا کی میزبانی کا شرف حاصل ہے
صدارت عامہ برائے حرمین شریفین نے بارش کے ساتھ ہی 200 سے زیادہ سپروائزرز اور مبصرین کو خدمات پر مامور کردیا۔ یہ افراد 4000 سے زیادہ زائرین کی دیکھ بھال میں مصروف ہوگئے۔
صدارت عامہ نے بتایا کہ صحن مطاف، نماز کے مقامات، داخلی اور خارجی راستے بارش سے 15 منٹ قبل ہی تیار کر لیے گئے تھے۔ آنے والوں کو بارش کے اثرات سے بچانے کے لیے کوششیں تیز کردی گئیں تاکہ زائرین اپنی عبادات اور مناسک عمرہ سہولت کے ساتھ ادا کر سکیں۔
