گوگل نیوز پر ہمیں فالو کریںغزہ پر حملوں کے 2 ماہ مکمل ہوچکے ہیں جس کے دوران اسرائیل نے 16 ہزار سے زائد فلسطینیوں کو شہید کردیا ہے۔ گزشتہ 24 گھنٹوں کے دوران مزید 110 فلسطینیوں کو شہید کیا گیا۔
تفصیلات کے مطابق صیہونی فوج نے گزشتہ 1 روز میں بریج کیمپ، نصیرات، دیرالبلاح اور خان یونس کے علاقوں میں وحشیانہ بمباری کی۔ 7اکتوبر سے جاری جنگ میں 7000سے زائد بچے بھی شہید ہوچکے ہیں۔
[visual-link-preview encoded=”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”]
فلسطینی حکام کا کہنا ہے کہ مسلسل بمباری سے تباہ ہونے والی عمارتوں کے ملبے تلے کم از کم 7 ہزار600افراد دبے ہوئے ہیں۔ اسرائیلی ٹینکس ایمبولینسز کو بھی اپنا نشانہ بنا رہے ہیں جبکہ اسرائیلی فوج رہائشی علاقوں پر بم برسا رہی ہے۔
اسرائیلی فوج کا دعویٰ ہے کہ خان یونس کے علاقے کو گھیرے میں لے لیا گیا جبکہ اسرائیلی فوج کی جانب سے غزہ کی آبادی پر فاسفورس بم استعمال کیے جارہے ہیں۔قبل ازیں اسرائیل نے خان یونس کے باسیوں کو علاقہ خالی کرنے کا کہا تھا۔
حماس نے خان یونس میں اسرائیلی فوجیوں اور ٹینکوں پر راکٹ حملے کیے جن میں 10 اسرائیلی فوجی ہلاک جبکہ 8زخمی ہوئے ہیں۔ حماس کا کہنا ہے کہ حملوں کے دوران اسرائیلی افواج کے 24ٹینک تباہ ہوگئے۔
تل ابیب، عسقلان اور دیگر علاقوں پر حماس کی جانب سے راکٹ حملے کیے گئے۔ خان یونس میں اسرائیل کے زیرِ قبضہ عمارت بارودی مواد سے تباہ کردی گئی۔ ایمنسٹی انٹرنیشنل نے غزہ پر امریکی ساختہ بارود کے استعمال پر تحقیقات کا مطالبہ کیا ہے۔
