افغان حکومت پاکستان کو کس نظر سے دیکھتی ہے؟ دیکھئے طالبان ترجمان کا مکمل انٹرویو

ترجمان طالبان نے اس بات پر بھی زور دیا کہ پاکستان میں امن ہمارے لیے انتہائی ضروری ہے۔ پاکستان کو بارہا اپنی مدد کی یقین دہانی کرائی ہے۔ کوئی تحفظات ہیں تو پاکستان ہم سے بات کرے۔

ذبیح اللہ مجاہد نے مزید کہا کہ ہم نے برسوں جنگ اور اس کی مشکلات دیکھی ہیں، ہم نہیں چاہتے کہ کسی اور ملک میں بھی ایسا ہو۔ کسی بھی ملک کے خلاف افغان سرزمین استعمال نہیں ہونے دیں گے۔

ذبیح اللہ مجاہد نے یہ بھی کہا کہ پاکستان کو اپنے اندرونی مسائل خود حل کرنا چاہیے۔ پاکستان میں بے امنی کی ذمہ داری کسی طرح بھی افغانستان پر نہیں ڈالی جاسکتی۔

طالبان ترجمان نے مزید کہا کہ پاکستان کے ساتھ ہمارے مضبوط تعلقات ہیں، ہماری باہمی تجارت بھی موجود ہے، تاہم ہمیں تجارت اور معیشت کو سیاستی اختلافات سے الگ کرنا ہوگا۔