گوگل نیوز پر ہمیں فالو کریںپنجاب حکومت نے صوبے بھر کے ہسپتالوں میں نرسز کی کمی کو پورا کرنے کے لیے تین ہزار نرسوں کو بھرتی کرنے کا فیصلہ کیا ہے۔
صوبائی حکومت نے ہسپتالوں میں زیادہ سے زیادہ سہولیات فراہم کرنے کا بھی فیصلہ کیا ہے، اس حوالے سے نوٹیفکیشن جاری کر دیا گیا ہے۔
اسپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ نے 3000 نرسز کو بھرتی کرنے کا فیصلہ کیا ہے۔ پنجاب پبلک سروس کمیشن کو لکھے گئے خط میں، ہیلتھ کیئر اینڈ میڈیکل ایجوکیشن ڈیپارٹمنٹ کا کہنا ہے کہ محکمہ 3000 نرسوں (BS-16)کو بھرتی کرنے کا ارادہ رکھتا ہے۔
پنجاب پبلک سروس کمیشن نرسوں کو اوپن اور کوٹہ کی بنیاد پر بھرتی کرنے کے لیے اخبارات میں اشتہار جاری کرے گا۔ صوبائی وزیر صحت خواجہ سلمان رفیق نے کہا کہ 3000 نرسوں کی بھرتی انتہائی خوش آئند اقدام ہے۔
