گوگل نیوز پر ہمیں فالو کریںلبنان میں ہونیوالے دھماکوں کے بعد ہنگری کی ایک خاتون کا نام سامنے آیا ہے جس کے بارے میں کہا جاتا ہے کہ ان کی کمپنی کے پاس پیجر کا لائسنس ہے۔
رائٹرز کی رپورٹ کے مطابق برہنہ جسموں کے خاکے بنانے کے حوالے سے مشہور 49 سالہ کرسٹیانا بارسونی آرچیدیا کونو ہنگری کی کمپنی بی اے سی کنسلٹنگ کی اٹلی اور ہنگری کی سی ای او اور مالک ہیں۔کرسٹیانا بارسونی آرچیدیاکونو کا کہنا ہے کہ انہوں نے وہ دھماکہ خیز پیجرز نہیں بنائے “میں صرف ایک درمیانی کردار ہوں۔
لبنان میں ہونیوالے دھماکوں کے بعد کرسٹیانا بارسونی عوام میں نظر نہیں آئیں۔ ان کے پڑوسیوں کا کہنا ہے کہ انہوں نے کرسٹیانا کو نہیں دیکھا۔ پڑوسیوں کا کہنا ہے کہ کرسٹیانو بارسونی نے بھیجے گئے پیغامات کا جواب نہیں دیا۔
علاقہ مکینوں کا کہنا ہے کہ کرسٹیانو بارسونی کے بوداپیسٹ کے پرانے شاندار عمارت میں واقع اپارٹمنٹ، جہاں پہلے ایک دروازہ کھلا تھا، وہ بھی بند ہو گیا ہے۔
جاننے والوں اور سابقہ کام کے ساتھیوں کے ساتھ بات چیت میں ان کی شخصیت کا ایک ایسا خاکہ نظر آتا ہے جو ایک متاثر کن ذہانت کی حامل تھیں لیکن ایک ایسے کیریئر کے ساتھ جو چھوٹے مدت کے عہدوں میں منتشر تھا جہاں وہ کبھی مکمل طور پر سیٹل نہ ہو سکیں حالانکہ انہوں نے اپنی سی وی کو ہمیشہ بہتر بنایا۔
کرسٹیانو بارسونی کی ایک واقف، جو دیگر افراد کی طرح جنہوں نے بوداپیسٹ میں انہیں سماجی طور پر جانا، نام ظاہر نہ کرنے کی درخواست کرتے ہوئے بتایا کہ وہ ایسی شخصیت لگتی تھیں جو “آسانی سے استعمال کی جا سکتی تھیں”۔
جب رائٹرز کے نمائندے نے بدھ کو پہلی بار اس عمارت کا دورہ کیا تو ان کے اپارٹمنٹ کا اندرونی دروازہ کھلا تھااور جب صحافی جمعرات کو واپس آیا تو وہ بند تھا۔ کسی نے گھنٹی کا جواب نہیں دیا۔ گزشتہ دو سال سے اس عمارت میں مقیم ایک خاتون نے کہا کہ بارسونی اس سے پہلے سے وہاں رہ رہی تھیں جب وہ وہاں منتقل ہوئی تھیں۔
کرسٹیانو بارسونی نے 2000 کی دہائی کے اوائل میں یونیورسٹی کالج لندن سے فزکس میں پی ایچ ڈی کی اور مختلف اداروں میں کام کیا، بی اے سی کنسلٹنگ کی ویب سائٹ پر ایک الگ سی وی میں انہوں نے خود کو “ارتھ چائلڈ انسٹی ٹیوٹ” کی بورڈ ممبر کے طور پر بیان کیا، جو نیویارک میں ایک تعلیمی اور ماحولیاتی خیراتی ادارہ ہے۔
کرسٹیانو بارسونی کی سی وی میں 2008-2009 میں بین الاقوامی ایٹمی توانائی ایجنسی کی سابق “پروجیکٹ منیجر” کے طور پر تعارف شامل ہے ، آئی اے ای اے نے کہا کہ اس کے ریکارڈ سے پتہ چلتا ہے کہ وہ آٹھ ماہ کے لیے وہاں انٹرن تھیں۔
کرسٹیانو بارسونی کا رجسٹرڈ ایڈریس بوداپیسٹ کے ایک نواحی علاقے میں ایک آفس ہے۔جہاں ان کا تعارف یہ کہ “میں ایک سائنسدان ہوں جو اپنی بہت مختلف پس منظر کا استعمال کر کے اسٹریٹجک فیصلہ سازی پر بین الضابطہ منصوبوں پر کام کرتی ہوں۔
