گوگل نیوز پر ہمیں فالو کریںاسلام آباد: ایم ون ٹول پلازہ کے قریب وین میں گیس سلنڈر پھٹنے سے تین مسافر زندہ جل گئے اور دو افراد جھلس گئے۔
اطلاع ملتے ہی پولیس اور ریسکیو ٹیمیں جائے وقوعہ پر پہنچ گئیں اور ریسکیو آپریشن شروع کردیا۔ ابتدائی رپورٹ کے مطابق تین مسافر جان کی بازی ہار گئے جبکہ دو مسافر جھلس کر شدید زخمی ہوئے۔
زخمیوں اور جاں بحق افراد کو ہسپتال منتقل کر دیا گیا۔ زخمیوں کی حالت تشویشناک بتائی گئی۔ مزید تفتیش جاری تھی۔
پاکستان میں ایل پی جی سلنڈرز کے دھماکے عام ہیں، ان دھماکوں میں لاتعداد معصوم جانیں ضائع ہوچکی ہیں، زیادہ تر یہ دھماکے غیر معیاری سلنڈروں کی وجہ سے ہوتے ہیں۔
متعلقہ حکام ایسے واقعات کو روکنے میں تاحال ناکام رہے ہیں۔ متعدد بار یکے بعد دیگرے حکومتوں نے ایسے واقعات کو روکنے کے لیے غیر معیاری ایل پی جی سلنڈر بنانے میں ملوث مافیا کے خلاف کریک ڈاؤن کا اعلان کیا۔
بدقسمتی سے سلنڈر دھماکے کے واقعات رونما ہوتے رہتے ہیں۔ ایسے واقعات میں لوگوں کی جان بچانے کے لیے ٹھوس پالیسی بنانے کی ضرورت ہے۔
