گوگل نیوز پر ہمیں فالو کریںمشہور بھارتی فلمساز کرن جوہر نے اپنے مداحوں کو کہا ہے کہ انہیں چاہت فتح علی خان کا “توبہ توبہ” ضرور دیکھنا چاہیے تاہم اصل گلوکار نے چاہت سے درخواست کی ہے کہ وہ یہ گانا نہ گائیں۔
فلم ساز کرن جوہر نے پاکستانی گلوکار چاہت فتح علی خان کی طرف سے مشہور گانے “توبہ توبہ” کی دوبارہ تخلیق پر ردعمل ظاہر کیا۔ چاہت نے انسٹاگرام پر شیئر کردہ ویڈیو میں اپنے منفرد انداز میں گاتے ہوئے “توبہ توبہ” کو “توبا توبا” میں بدل دیا۔
چاہت فتح علی خان کے گانے نے کرن اوجلا کو متاثر نہیں کیا۔ چاہت نے تاج محل کے پس منظر میں گاتے ہوئے گانے کے بول اور موسیقی میں تبدیلی کی اور گٹار کے ساتھ پرفارم بھی کیا۔ اس ویڈیو پر ردعمل دیتے ہوئے، اصل گانے کے گلوکار کرن اوجلا نے کہا، “انکل، نہ کریں پلیز ، رونے والا ایموجی بھی بنایا جبکہ کرن جوہر کا کہنا ہے کہ یہ ایک ‘ضرور دیکھنے کے قابل’ ویڈیو ہے۔
ایک صارف نے کہا، “انسان غلطی سے بھی سریلے گاتے ہیں لیکن یہاں تو ایسا بھی نہیں ہوا۔” ایک اور تبصرہ تھا، “سب کچھ ٹھیک تھا جب تک کرن اوجلا نے تبصرہ نہیں کیا۔” انسٹاگرام کے ایک صارف نے کہا، “توبا توبا، آپ نے میرا موڈ خراب کر دیا۔” “آپ نے گانا تباہ کر دیا ہے۔
توبہ توبہ گانا کرن اوجلا نے کمپوز، گایا اور لکھا ہے، اس گانے میں وکی کوشل اور تریپتی ڈمری شامل تھے۔ گانے کی کوریوگرافی بوسکوکیزر نے کی۔ یہ گانا 2024 کی کامیڈی فلم “بیڈ نیوز” کا حصہ ہے جس کی ہدایتکاری آنند تیواری نے کی اور اسے پرائم، دھرما پروڈکشنز اور لیو میڈیا کلیکٹو نے پروڈیوس کیا ہے۔
چاہت فتح علی خان کون ہیں؟
چاہت فتح علی خان کا اصل نام کاشف رانا ہے۔ وہ یوٹیوب پر خود کو “گلوکار، موسیقار، فنکار، اداکار، مصنف، ہدایتکار” کے طور پر متعارف کراتے ہیں۔ وہ مارچ 1965 میں شیخوپورہ میں پیدا ہوئے۔
انہوں نے گورنمنٹ ہائی اسکول شیخوپورہ میں تعلیم حاصل کی، پھر گورنمنٹ کالج یونیورسٹی لاہور (جی سی یو ایل) سے گریجویشن کیا اور بعد میں لاہور کی پنجاب یونیورسٹی میں تاریخ کی تعلیم حاصل کی، جس کے بعد وہ لندن چلے گئے۔ چند ماہ پہلے وہ اپنے “بدوبدی” گانے کی ناپسندیدہ ریمکس کی وجہ سے وائرل ہوئے تھے۔
