گوگل نیوز پر ہمیں فالو کریںپاکستان تحریک انصاف کے رہنما اسد قیصر نے ان اطلاعات کی تردید کی ہے کہ انہیں پارٹی کے بانی عمران خان نے چیئرمین نامزد کیا ہے۔
اسد قیصر نے وضاحت کرتے ہوئے کہا کہ سیکریٹری جنرل کے عہدے کے حوالے سے بھی کوئی فیصلہ نہیں کیا گیا۔ انہوں نے مزید بتایا کہ اس حوالے سے حتمی فیصلہ اڈیالہ جیل میں عمران خان سے مشاورت کے بعد کیا جائے گا۔
اس سے قبل یہ خبریں گردش کر رہی تھیں کہ عمران خان نے پی ٹی آئی کے چیئرمین بیرسٹر گوہر خان اور سیکریٹری جنرل سلمان اکرم راجہ کو اسلام آباد کے احتجاج کے دوران پیدا ہونے والی رکاوٹوں کے باعث عہدے سے ہٹا دیا ہے۔ اس کے ردعمل میں سلمان اکرم راجہ نے سیکریٹری جنرل کے عہدے سے استعفیٰ دے دیا اور اپنا استعفیٰ پارٹی قیادت کو پیش کر دیا۔
کھاریاں کے کھسرے اپنا گرو چھڑوا کر لے گئے تھے لیکن، پی ٹی آئی کے ناکام احتجاج پر میمز وائرل
پی ٹی آئی کے چیئرمین بیرسٹر گوہر خان نے سلمان اکرم راجہ کے استعفیٰ کی تصدیق کی۔ عمران خان نے سینئر وکیل سلمان اکرم راجہ کو ستمبر میں پارٹی کا سیکریٹری جنرل مقرر کیا تھا لیکن حالیہ احتجاج میں عدم شرکت پر انہیں سخت تنقید کا سامنا کرنا پڑا۔
یہ بات قابل ذکر ہے کہ پی ٹی آئی کو جمعرات کے روز بڑا دھچکا لگا جب وکیل سلمان اکرم راجہ اور مذہبی سیاسی رہنما صاحبزادہ حامد رضا نے پارٹی میں اپنے عہدوں سے استعفیٰ دے دیا۔یہ پیشرفت اس وقت سامنے آئی ہے جب پی ٹی آئی کا اسلام آباد مارچ اپنے مقصد سابق وزیر اعظم عمران خان کی رہائی میں ناکام رہا۔
