بالآخر طویل انتظار ختم ہوا، “فریکیئر فرائیڈے” کے پہلے ٹریلر نے شائقین کو جکڑ کر رکھ دیا، جہاں لنڈسے لوہان اور جیمی لی کرٹس ایک بار پھر مرکزی کرداروں میں نظر آئیں گی مگر اس بار ایک نئے اور غیر متوقع موڑ کے ساتھ۔
ٹریلر کی شروعات میں اینا (لنڈسے لوہان) اور ٹیس (جیمی لی کرٹس) ایک قسمت بتانے والی خاتون (ونیسہ بائر) سے ملتی ہیں، جو انہیں یاد دلاتی ہے کہ ان کے راستے پہلے بھی آپس میں ٹکرا چکے ہیں۔ وہ کہتی ہیں، “تم ایک دوسرے کی جگہ پر چل چکی ہو، ایک سبق سیکھا تھا… جو شاید دوبارہ کام آ سکے۔” اس گفتگو کے بعد ماں اور بیٹی جلدی وہاں سے نکلنے کی کوشش کرتی ہیں، مگر قسمت کا کچھ اور ہی ارادہ ہوتا ہے۔
اس بار تبادلہ اینا اور ٹیس کے درمیان نہیں ہوتا بلکہ اینا خود کو اپنی بیٹی کے جسم میں پاتی ہے، جبکہ ٹیس اپنی نواسی کے جسم میں منتقل ہو جاتی ہے۔ اس عجیب و غریب صورتحال میں وہ نئی نسل کو سمجھانے کی کوشش کرتی ہیں اور انہیں ایک ہی حل سجھاتی ہیں: ایک دوسرے کی جگہ ادا کرتے رہو۔
ٹریلر میں کئی پرانی یادیں بھی تازہ کی گئی ہیں، جن میں چَیڈ مائیکل مرے بطور جیک ایک بار پھر نظر آ رہے ہیں، اور اس بار ان کا پورا نام بھی سامنے آئے گا۔ اس کے علاوہ لنڈسے لوہان کو اپنی بینڈ پنک سلپ کے ساتھ دوبارہ اسٹیج پر پرفارم کرتے ہوئے دیکھا جا سکتا ہے۔ ایلیئن ہینڈرکس کی اچانک انٹری فلم میں “پیرنٹ ٹریپ” کی ایک چھوٹی سی ری یونین کا احساس بھی دلاتی ہے۔
“فریکیئر فرائیڈے” آٹھ اگست کو سینما گھروں میں ریلیز ہونے جا رہی ہے، جہاں ناظرین کو ایک بار پھر ہنسی، جذبات اور خاندان کے رشتوں کی ایک نئی کہانی دیکھنے کو ملے گی۔
گوگل نیوز پر ہمیں فالو کریں
