گوگل نیوز پر ہمیں فالو کریںبین الاقوامی مالیاتی فنڈ (آئی ایم ایف) نے بجلی کے بنیادی نرخ میں ایک روپے فی یونٹ کمی کی منظوری دے دی ہے جس سے صارفین کو ریلیف فراہم کیا جائے گا۔ یہ اقدام بجلی کے بڑھتے ہوئے اخراجات کو کم کرنے کے لیے اٹھایا گیا ہے۔
اس ریلیف کے لیے درکار فنڈز کی فراہمی گیس پر عائد کردہ لیوی کے ذریعے کی جائے گی جو کہ صنعتی کیپٹیو پاور پلانٹس کے گیس استعمال پر لاگو ہوگی۔
دوسری جانب حکومت بجلی کے صارفین کے لیے مزید سہولتیں فراہم کرنے کے لیے ایک وسیع تر امدادی پیکیج پر کام کر رہی ہے تاکہ مہنگی بجلی کے اثرات کو کم کیا جا سکے۔
اس ایک روپے فی کلو واٹ آور کمی سے صارفین پر مجموعی طور پر تقریباً 100 ارب روپے کا مالی بوجھ کم ہونے کی توقع ہے۔
مثال کے طور پر ایک عام گھریلو صارف جو ماہانہ 500 یونٹ بجلی استعمال کرتا ہےاس کمی سے اپنے بجلی کے بل میں 500 روپے کی بچت کر سکے گا۔
یہ فیصلہ اس وقت سامنے آیا ہے جب وزیر توانائی اویس لغاری نے حالیہ بیان میں بجلی کے نرخوں میں کمی لانے کے حکومتی عزم کا اعادہ کرتے ہوئے کہا تھا کہ مناسب وقت پر عوام کو اس کا فائدہ پہنچایا جائے گا۔
