گوگل نیوز پر ہمیں فالو کریںنیٹ فلکس کی مقبول سیریز ایملی اِن پیرس کی معروف اداکارہ کامیلا رازاٹ نے اعلان کیا ہے کہ وہ پانچویں سیزن میں سیریز کا حصہ نہیں ہوں گی۔
اپنے فیصلے کی وضاحت کرتے ہوئے کامیلا نے کہا کہ یہ کردار ان کے لیے ایک خوبصورت اور یادگار تجربہ تھا، لیکن اب وقت آ چکا ہے کہ وہ نئی راہیں تلاش کریں۔
کامیلا جنہوں نے پہلے چار سیزنز میں ایملی کی دوست اور بعض مواقع پر اس کی مخالف کا کردار نبھایا، نے اپنے بیان میں کہاکہ “ایملی اِن پیرس کے ساتھ میرا سفر ناقابلِ فراموش رہا۔ یہ کردار میرے لیے بے حد اہم تھا لیکن اس کی کہانی اب فطری طور پر اپنے انجام کو پہنچ چکی ہے۔ مجھے محسوس ہوا کہ اب کچھ نیا کرنے کا وقت آ گیا ہے۔”
انہوں نے مزید کہا کہ “میں نیٹ فلکس، پیراماؤنٹ اور ڈیرن اسٹار کی بے حد شکر گزار ہوں جنہوں نے مجھ پر اعتماد کیا اور مجھے یہ کردار سونپا۔ میری خواہش ہے کہ کامیلا کا کردار ہمیشہ ایملی اِن پیرس کی دنیا کا حصہ بنا رہے، چاہے میں اب اس کا حصہ نہ ہوں۔”
کامیلا رازاٹ کی روانگی اس وقت سامنے آئی جب نیٹ فلکس نے پانچویں سیزن کے کاسٹ کی فہرست جاری کی، جس میں ان کا نام شامل نہیں تھا۔
پچھلے سیزن میں کامیلا کے کردار کو ایک جذباتی موڑ کا سامنا ہوا، جب وہ اپنے منگیتر گیبریئل سے شادی کے موقع پر پیچھے ہٹ گئیں، کیونکہ انہیں یہ احساس ہوا کہ گیبریئل اب بھی ایملی سے محبت کرتا ہے۔
پانچویں سیزن کی شوٹنگ کا پہلا مرحلہ روم، اٹلی میں مکمل کیا جائے گا، جہاں ایملی اپنے نئے اطالوی محبوب مارسیلو کے ساتھ کام کرتی اور ایک نیا رومانوی رشتہ استوار کرتی نظر آئے گی۔ سیزن کا دوسرا مرحلہ دوبارہ پیرس میں فلمایا جائے گا۔
