گوگل نیوز پر ہمیں فالو کریںکراچی: سوشل میڈیا سے شہرت پانے والی معروف اداکارہ دنا نیر مبین اب فلمی دنیا میں قدم رکھنے جا رہی ہیں۔
قومی ذرائع ابلاغ کے مطابق وہ اپنی پہلی فلم “بہناز” میں جلوہ گر ہوں گی جو کہ کھیلوں کے موضوع پر مبنی ہے۔
دنانیر مبین کو “پاوری ہو رہی ہے” والی وائرل ویڈیو کے ذریعے شہرت ملی اور اس کے بعد وہ کئی کامیاب ڈراموں میں اپنی اداکاری کے باعث ناظرین کی توجہ حاصل کر چکی ہیں۔
مداحوں نے ان کی معصوم شخصیت اور اداکاری کو بے حد سراہا ہے اور اب ان کے چاہنے والوں کے لیے یہ خوشخبری ہے کہ وہ جلد سلور اسکرین پر نظر آئیں گی۔
سوشل میڈیا پر گردش کرتی تصاویر کے مطابق دنا نیر مبین “بہناز” نامی فلم میں کام کر رہی ہیں، جسے معروف ہدایتکار ابو علیحہ ڈائریکٹ کر رہے ہیں۔
ابو علیحہ اس سے قبل “ککڑی”، “سپر پنجابی”، اور “ٹکسالی گیٹ” جیسی فلمیں بنا چکے ہیں۔
اس فلم میں مشہور اداکارہ عائشہ عمر بھی ایک فٹبال کوچ کے کردار میں جلوہ گر ہوں گی۔
سوشل میڈیا صارفین دنا نیر کو بڑے پردے پر دیکھنے کے لیے بے حد پرجوش ہیں اور فلم “بہناز” کی کہانی اور ریلیز کی تاریخ بھی مداحوں کی توجہ کا مرکز بنی ہوئی ہے۔
قابل ذکر بات یہ ہے کہ دنا نیر مبین نے مختصر عرصے میں پاکستان کی انٹرٹینمنٹ انڈسٹری میں خود کو ایک باصلاحیت اور ہمہ جہت اداکارہ کے طور پر منوایا ہے۔
ان کی فطری اسکرین پر موجودگی، جاندار آنکھیں اور جذبات پر مکمل گرفت، ہر کردار میں گہرائی اور حقیقت پسندی کا رنگ بھرتی ہے۔
چاہے ہلکے پھلکے کردار ہوں یا سنجیدہ اور جذباتی مناظر دنا نیر مبین ہر کردار کو خوبصورتی اور اعتماد سے نبھاتی ہیں۔
ان کی اداکاری نہ صرف قابلِ رشک ہے بلکہ ان کے مستقبل میں ایک کامیاب اور طویل اداکاری کے سفر کی بھرپور امید بھی دلاتی ہے۔
