گوگل نیوز پر ہمیں فالو کریںلیِور پول اور پرتگال کے اسٹار فٹبالر ڈیوگو جوتا (28 سال) اور ان کے بھائی آندرے سلوا (26 سال) اسپین کے صوبہ زامورا میں ایک دلخراش ٹریفک حادثے میں ہلاک ہو گئے۔
افسوسناک حادثہ A‑52 موٹر وے پر پیش آیا جب گاڑی کا ٹائر پھٹنے کے باعث سڑک سے کنارے نکل کر آگ پکڑ گئی۔ دونوں موقع پر ہی جاں بحق ہو گئے ۔
حادثہ جمعرات کے روز نصف شب کے لگ بھگ ہوا جب یہ دونوں گاڑی میں سفر کر رہے تھے۔ بتایا گیا ہے کہ ڈیوگو نے گزشتہ ہفتہ اپنی محبوبہ رُتے کارڈوسو سے شادی کی تھی اور ان کے تین بچے ہیں۔
ڈیوگو نے 2020 میں وولورہمپٹن چھوڑ کر لِورپول میں شمولیت اختیار کی، وہ پریمیئر لیگ، فا کپ اور لیگ کپ سمیت کئی ٹائٹلز جیت چکے تھے۔ قومی ٹیم میں ۴۹ میچوں میں ۱۴ گول کیے اور نیشنز لیگ کا ٹائٹل بھی جیتا تھا ۔ آندرے سلوا بھی ایک پیشہ ور کھلاڑی تھے اور پینا فیل کلب کے لیے کھیلتے تھے ۔
Everyone at the Premier League is shocked and devastated to learn of the tragic passing of Diogo Jota and his brother Andre. Our sincerest condolences go to Diogo’s family, friends, Liverpool FC, and all their supporters at this heartbreaking time. Football has lost a champion… pic.twitter.com/KG4coUHY1P
— Premier League (@premierleague) July 3, 2025
حادثے پر لِورپول، UEFA، پرتگالی فٹبال فیڈریشن، مانچسٹر سٹی، چیلسی، اور سابق کلبز سمیت متعدد اداروں نے گہرے رنج کا اظہار کیا۔
پرتگال کے وزیرِ اعظم نے اسے ناقابل تلافی نقصان قرار دیا جبکہ خواتین یورو 2025 میچز میں ایک منٹ کی خاموشی بھی رکھی گئی ۔
