گوگل نیوز پر ہمیں فالو کریںشمالی غزہ میں ایک فوجی آپریشن کے دوران حماس نے حملہ کرکے پانچ اسرائیلی فوجی ہلاک اور 14 دیگر زخمی ہوئے، جن میں سے دو کی حالت تشویشناک ہے۔
اسرائیلی فوج نے بتایا کہ یہ واقعہ پیر کی رات تقریباً 10 بجے بیت حانون کے قریب پیش آیا۔ فوج کے سدرن کمانڈ کی ابتدائی تحقیقات کے مطابق، کفر بریگیڈ کے نیتزاہ یہودا بٹالین کے فوجی اس علاقے میں پیدل جا رہے تھے جہاں اسرائیلی ٹینک اور انجینئرنگ گاڑیاں آپریشن کر رہی تھیں کہ اچانک دھماکہ خیز آلات پھٹ گئے۔
دوسری جانب اسرائیل اور حماس نے قطر میں بالواسطہ مذاکرات کیے جو جنگ بندی کے حصول کے لیے تھے۔
غزہ میں تقریباً دو سال سے جاری جنگ پر تازہ ترین مذاکرات اتوار کو دوحہ میں شروع ہوئے، جہاں اسرائیل اور فلسطینی عسکریت پسند گروپ حماس کے نمائندے ایک ہی عمارت میں الگ الگ کمروں میں موجود تھے۔
ایک فلسطینی عہدیدار نے جو مذاکرات سے واقف ہیں، بتایا کہ پیر کے مذاکرات کسی پیش رفت کے بغیر ختم ہوئے۔
حماس اور اسرائیلی وفود کے درمیان مذاکرات دوبارہ شروع ہونے والے تھے، اور امریکی صدر ڈونلڈ ٹرمپ کے خصوصی ایلچی اسٹیو وٹکاف بھی اس ہفتے جنگ بندی کے حصول کے لیے ان میں شامل ہونے والے تھے۔
